18.5.2012 10:54:00
Guðmundur vann sína leiki en Enjoy&Deploy tapaði vorúrslitaleiknum í hollensku deildinni
Guðmundur Stephensen vann báða einliðaleiki sína í vorúrslitaleik hollensku deildarinnar í borðtennis í gær við Wijzenbeek Westa. Hann lagði fyrst Martijn de Vries 3-1 og svo Daan Sliepen 3-0. Einnig vann hann tvíliðaleikinn með Nathan var der Lee félaga sínum 3-1. Það dugði þó ekki til því félagar Guðmundar töpuðu hinum leikjunum og leikurinn tapaðist því 3-4.
Því leika haustmeistarar Enjoy&Deploy og vormeistarar Wijzenbeek Westa hreinan úrslitaleik á sunnudaginn, 20. maí.
ÁMU
|
|
|
17.5.2012 12:49:00
Guðmundur Stephensen leikur í úrslitum hollensku deildarinnar í dag
Enjoy&Deploy Zoetermeer, lið Guðmundar Stephensen, leikur í dag til úrslita í hollensku 1. deildinni í borðtennis gegn Wijzenbeek Westa. Liðið komst í úrslit þrátt fyrir 3-4 tap í seinni undanúrslitaleiknum gegn Scyedam þann 5. maí. Enjoy&Deploy vann fyrri leikinn 5-2 og kemst því í úrslit með betri samanlögð úrslit úr leikjunum tveimur.
Í hollensku deildinni er bæði keppt til úrslita á haustin og á vorin. Ef haustmeistarnir vinna líka á vorin er keppni lokið, en annars leika þessi tvö meistaralið úrslitaleik.
Guðmundur var lykilmaður í að koma liði sínu í úrslit, því hann vann alla sína leiki í undanúrslitaleiknum. Hann lagði Rajko Gommers 3-1 og Michel de Boer 3-1 í einliðaleikjunum tveimur. Í tvíliðaleik lék Guðmundur með Boris de Vries og unnu þeir Gommers og de Boer 14-12 í oddalotu.
ÁMU
|
|
|
14.5.2012 23:49:00
Punktamót og aldursflokkamót Víkings féll niður
Punkta/stigamót Borðtennisdeildar Víkings, sem er á mótaskrá BTÍ 12. maí, féll niður.
Einnig féll niður aldursflokkamót Víkings, sem er á mótaskrá BTÍ 13. maí.
ÁMU
|
|
|
13.5.2012 12:19:00
Davíð og Magnús eru úr leik í tvíliðaleik karla á Norður-Evrópumótinu í Svíþjóð
Davíð Jónsson og Magnús K. Magnússon léku við Finnana Benedek Olah og Roope Kantola í 1. umferð í tvíliðaleik karla. Þeir töpuðu 0-3 (2-11, 5-11, 7-11) og eru þar með úr leik.
Þátttöku Íslendinganna er því lokið á mótinu.
Svíar voru sigursælir og unnu öll gullverðlaun mótsins. Þeir unnu líka öll silfurverðlaun í einstaklingsgreinum nema í tvíliðlaleik kvenna, þar sem norsku stúlkurnar fengur silfur.
Sara Rask vann fern gullverðlaun á mótinu og Hampus Nordberg varð þrefaldur meistari. Hann tapaði þó í úrslitum í einliðaleik fyrir félaga sínum Harald Andersson.
ÁMU
|
|
|
13.5.2012 01:01:00
Karlarnir féllu úr leik í 1. umferð í einliðaleik á Norður-Evrópumótinu í dag
Íslensku borðtenniskarlarnir töpuðu allir 0-4 í 1. umferð í einliðaleik á Norður-Evrópumótinu í Karlsborg í Svíþjóð í dag. Þeir eru því úr leik í einliðaleik.
ÁMU
Daði Freyr Guðmundsson lék á Norður-Evrópumótinu í dag (mynd: Finnur Hrafn Jónsson)
|
|
|
