BH Open 18. og 19. janúar – Hluti af Lokamóti
BH Open verður haldið í þriðja sinn 18.-19. janúar 2025 í Íþróttahúsinu við Strandgötu 53 í Hafnarfirði.
Athugið: Mótið er hluti af Lokamóti BTÍ en þetta er 2. af 4 mótum sem telja til stiga á Lokamótinu. Meistaraflokkur Elite gefur stig inná lokamótið.
Laugardagur 1. Blokk
Hefst kl 09:00
Flokkur
Stelpur u11
Strákar u11
Stelpur/Strákar u15 A
Stelpur/Strákar u15 B (<1250 stig)
Strákar U23
Stelpur U23
Opinn flokkur B (<2000 stig)
Laugardagur 2. Blokk
Hefst kl 13:00
Flokkur
Stelpur u13
Strákar u13
Stelpur/Strákar u19 A
Stelpur/Strákar u19 B (<1400 stig)
Meistaraflokkur karla Elite
Meistaraflokkur kvenna Elite
Karlar/Konur 40 ára og eldri
Opinn flokkur D (<1200 stig)
Sunnudagur 3. Blokk
Hefst kl 09:00
Flokkur
Stelpur u12
Strákar u12
Stelpur/Strákar u17 A
Stelpur/Strákar u17 (<1350 stig)
Opinn flokkur A (<2500 stig)
Opinn flokkur C (<1500 stig)
Sunnudagur 4. Blokk
Hefst kl 13:00
Flokkur
Stelpur u14
Stelpur u14 B (<1200 stig)
Strákar u14
Strákar u14 B (<1200 stig)
Stelpur/Strákar u21 A
Stelpur/Strákar u21 B (<1500 stig)
Tvíliðaleikur „Hæsti/Lægsti“
Fyrirkomulag:
Keppa má í 4 flokkum alls, en þó einungis 1 flokki í hverri „blokk“. Ef of fáir skrá sig í einn flokk mun mótstjórn sameina flokka til þess að fá fleiri leiki.
Flokkar í 1.&3. blokk hefjast á milli 09:00-11:00.
Flokkar í 2.&4. blokk hefjast á milli 13:00-15:00.
Keppt verður í 3-4 manna riðlum í öllum flokkum þar sem efstu 2 fara áfram í beinan útslátt. Leiknar verða 3-5 lotur í öllum flokkum.
Í flokkinum Tvíliðaleikur „Hæsti/Lægsti“ parast keppendur saman eftir styrkleikalistanum.
Fyrst parast þeir keppendur sem eru efst og neðst á styrkleikalistanum saman.
Næst parast þeir sem eru næst efst og næst neðst og svo koll af kolli.
Skráning
Skráning fer fram í gegnum skráningarform BH. Skráningarformið má finna hér:
https://docs.google.com/forms/d/e/1FAIpQLScIgclHCA9UB2fxI1c3CTxw5ovsus1tx5iDB6bAlQQW13v1KQ/viewform?usp=sf_link
Ef skráningarformið gengur ekki má senda skráningu með tölvupósti á netfang borðtennisdeildar BH, [email protected]. Í skráningu skal taka fram fullt nafn keppanda, kennitölu, félag og skal taka skýrt fram í hvaða flokkum keppandinn vill keppa í.
Skráningafrestur rennur út miðvikudaginn 15. janúar kl 19:00.
Röðun
Raðað verður samkvæmt keppnisreglum BTÍ þar sem að lágmarki 4 leikmenn fá röðun í hverju flokki.
Raðað verður eftir styrkleikalista BTÍ 1.janúar 2025.
Þátttökugjöld
- Meistaraflokkur Elite kr 4000,-
- Tvíliðaleikur „Hæsti/Lægsti“ kr 1500,-
- Aðrir flokkar kr 3000,-
Gjaldið greiðist á mótsstað eða inn á bankareikning Borðtennisdeildar BH: Kt: 620709-0180 & Rknr 0544-26-16207
Setjið í skýringu við greiðsluna fyrir hvaða leikmann greitt er. Sendið afrit á [email protected].
Leikmenn sem skrá sig í 3 flokka fá 4. frítt!
Verðlaun
Bikarar verða veittir fyrir efstu fjögur sætin í hverjum flokki, nema í flokkum þar sem verða peningaverðlaun.
Í Meistaraflokki Elite fær
1. sæti kr 30.000,-.
2. sæti kr 10.000,-.
3.-4. sæti kr 5.000,-.
Í Tvíliðaleik „Hæsti/Lægsti“ fær sigur parið kr 20.000,-.
Verðlaunafé í öðrum fullorðinsflokkum veltur á skráningu og verður auglýst þegar nær dregur.
Athugið að Meistaraflokkur Elite gefur stig fyrir 8 efstu sætin sem gilda inná lokamót BTÍ.
Samgöngur
Borðtennisdeild BH hvetur alla sem geta að nýta sér almenningssamgöngur til að koma sér á mótið.
Íþróttahúsið við Strandgötu liggur innan 3 mínútna göngufæri frá Firðinum, þar sem strætisvagnar stoppa. Vagn 1 fer frá BSÍ sem er innan göngufæris frá Reykjavíkurflugvelli, vagn 21 fer frá Mjódd, sem er aðkoma flestra strætisvagna utan af landi og vagn 55 fer frá Reykjanesbæ og Keflavíkurflugvelli. Þessir vagnar stoppa allir í Firðinum.
Ef keppendur óska eftir að vera sóttir af sérstökum ástæðum skal hafa samband við mótsstjórn tímanlega í gegnum [email protected] undir yfirskriftinni “BHAkstur”.
Búnaður
Borð: Butterfly EUROPA keppnisborð
Kúlur: Stiga Perform 3* 40+
Mótstjórn og yfirdómari
Mótstjórn skipa Ingimar Ingimarsson, Jóhannes Bjarki Urbancic og Tómas Ingi Shelton. Allar fyrirspurnir til mótstjórnar skulu berast til [email protected].
Yfirdómari mótsins verður Pétur Marteinn Urbancic Tómasson, alþjóðlegur dómari ITTF.
