Úrslit kosninga á lokahófi BTÍ

Eftir Lokamót Ice-Group á föstudaginn 16. maí var efnt til lokahófs BTÍ í æfingasal BH við Strandgötu. BH-ingar höfðu veg og vanda af skipulagi og dagskrá. Þeir efndu til skemmtilegrar netkosningar í vikunni á undan og greint var frá niðurstöðunum á hófinu í framhaldi af pöbbkviss um borðtennis þar sem reyndi verulega á þekkingu á borðtennis! Sigurvegarar í pöbbkviss var lið Ingimars, Birgis og Ellerts.

Fréttaritari er ekki með öll úrslit úr kosningunni en meðfylgjandi eru myndir frá verðlaunaafhendingu þar sem sjá má mynd af verðlaunahöfum eða fulltrúa verðlaunahafa og verðlaunaflokki sem var varpað upp á skjá.

Selfyssingar fóru aldeilis ekki tómhentir heim en Ruben þjálfari var m.a. valinn þjálfari ársins og var í liði ársins. Halldóra Ólafs var valin besti leikmaðurinn ásamt Inga Darvis. Benedikt Aron Jóhannsson var valinn mesta efnið U-18 og Guðrún Gestsdóttir var valin sjálfboðaliði ársins svo nokkrir flokkar sé nefndir. Nánar um verðlaunahafa hér á myndum fyrir neðan. Fulltrúar frá sjö ólíkum félögum mættu á hófið og vonandi mæta enn fleiri næst. Til hamingju öll sem sigruðuð í ykkar flokkum og takk BH-ingar fyrir skemmtilegt lokahóf!