Jóhann Emil og Magnús.

Tveir leikir voru spilaðir í 2. deild karla í gærkvöldi, 22. nóvember.  Víkingur E lék á móti HK A og sameinað lið Víkings F og Arnarins lék á móti HK B.  Um hörkuleiki var að ræða sem réðust báðir í síðasta leik þar sem nýliðinn Hörður landaði sigri fyrir Víking E og reynsluboltinn Árni Ziemsen halaði inn sigri fyrir Víking F/Örninn.  Úrslitin sýna svo ekki verður um villst að unglingarnir okkar eru á hraðri siglingu, þ.e. Jóhann og Magnús Víkingi og Arnór/Adrian/Björn í HK.  Hörður er svo öflugur liðsauki fyrir Víkinga í stöðugri framför.    Sannast hið fornkveðna að æfingin skapar meistarann.  Mega þeir eldri fara að taka sig á og taka ungviðið sér til fyrirmyndar enda ungu drengirni hungraðir í fleiri sigra.  Geri þeir það ekki gætu þeir vaknað upp við vondan draum á komandi Íslandsmóti.