Úrslit úr Íslandsmóti öldunga
Íslandsmót öldunga 2025 var haldið í Íþróttahúsi Snælandsskóla í Kópavogi laugardaginn 10. maí. Keppendur komu frá BR, Erninum, HK, KR, Leikni, Tindastóli, Umf. Selfoss, Umf. Vísi og Víkingi. Að öllum líkindum er þetta í fyrsta skipti sem leikmenn frá Leikni, Tindastóli og Umf. Vísi keppa á Íslandsmóti öldunga.
Aldís Rún Lárusdóttir, KR, varð þrefaldur meistari. Bjarni Þorgeir Bjarnason, HK, Guðrún Gestsdóttir, KR, Ingólfur Ingólfsson, KR og Sighvatur Karlsson, Víkingi, urðu tvöfaldir meistarar.
Öll úrslit aðgengileg á Tournament Software.
Verðlaunahafar í einstökum flokkum
Einliðaleikur kvenna 40-49 ára
1. Aldís Rún Lárusdóttir, KR
2. Elise Plessis, Tindastóli
Aldís lagði Elise 3-1 og vann þar með fyrsta titilinn sinn í einliðaleik í öldungaflokki.
Einliðaleikur karla 40-49 ára
1. Ingólfur Ingólfsson, KR
2. Rubén Illera López, Selfossi
3.-4. Michal May-Majewski, BR
3.-4. Viliam Marciník, KR
Ingólfur varði titilinn sem hann vann í fyrra og vann Ruben 3-0, en þar af lauk tveimur lotum með tveggja stiga mun.
Einliðaleikur kvenna 50-59 ára
1. Guðrún Gestsdóttir, KR
2. Anna Sigurbjörnsdóttir, KR
3. Guðrún Ólafsdóttir, KR
Guðrún lagði Önnu í oddalotu og vann þar með fyrsta titilinn sinn í einliðaleik í þessum aldursflokki.
Einliðlaleikur karla 50-59 ára
1. Bjarni Þorgeir Bjarnason, HK
2. Örn Þórðarson, HK
3. Sigurjón Ólafsson, HK
4. Holger Kuehne, Selfossi
Bjarni varði titilinn með 11-8 sigri á Erni í oddalotu.
Einliðaleikur kvenna 60-69 ára
1. Sigurlína H. Guðbjörnsdóttir, KR
Sigurlína lék með konunum í 50-59 ára flokki.
Einliðaleikur karla 60-69 ára
1. Sighvatur Karlsson, Víkingi
2. Jón Gunnarsson, BR
3. Guðmundur Örn Halldórsson, KR
4. Finnur Hrafn Jónsson, KR
Sighvatur sagði frá því við verðlaunaafhendinguna að þetta væri fyrsti Íslandsmeistaratitilinn hans í einliðaleik frá árinu 1979, þegar hann varð Íslandsmeistari í 1. flokki karla. Hann þurfti að hafa fyrir sigrinum og vann Jón 11-9 í oddalotu.
Einliðaleikur karla 70 ára og eldri
1. Árni Siemsen, Erninum
2. Rúnar Sigurðsson, KR
Árni lagði Rúnar 3-1 í úrslitaleik.
Tvíliðaleikur kvenna 40-49 ára
1. Aldís Rún Lárusdóttir/Guðrún G Björnsdóttir, KR
Þær Aldís og Guðrún léku með pörunum í flokki 50-59 ára og unnu báða leiki sína 3-0.
Tvíliðaleikur karla 40-49 ára
1. Rubén Illera López/Stefán Orlandi, Selfossi
2. Grzegorz Rombel/Michal May-Majewski, BR
Ruben og Stefán unnu fyrsta titilinn fyrir Selfoss á Íslandsmóti öldunga með 3-0 sigri á Gregorz og Michal.
Tvíliðaleikur kvenna 50-59 ára
1. Anna Sigurbjörnsdóttir/Guðrún Gestsdóttir, KR
2. Guðrún Ólafsdóttir/Sigurlína H. Guðbjörnsdóttir, KR
Anna og Guðrún Gestsdóttir lögðu Guðrúnu Ólafsdóttur og Sigurlínu 3-1 og vörðu titilinn frá því í fyrra.
Tvíliðaleikur karla 50-59 ára
1. Bjarni Þorgeir Bjarnason/Örn Þórðarson, HK
Bjarni og Örn kepptu við pörin í flokki 40-49 ára og unnu báða leikina 3-0.
Tvíliðaleikur karla 60-69 ára
1. Jón Gunnarsson/Sighvatur Karlsson, BR/Víkingur
2. Finnur Hrafn Jónsson/Guðmundur Örn Halldórsson, KR
Jón og Sighvatur vörðu titil sinn frá því í fyrra með 3-1 sigri á Finni og Guðmundi.
Tvenndarleikur 40 ára og eldri
1. Ingólfur Ingólfsson/Aldís Rún Lárusdóttir, KR
2. Guðmundur Örn Halldórsson/Anna Sigurbjörnsdóttir, KR
3.-4. Viliam Marciník/Guðrún Gestsdóttir, KR
Ingólfur og Aldís urðu meistarar annað árið í röð og töpuðu ekki lotu í flokknum.
Úrslit úr öllum leikjum á mótinu má sjá á vef Tournament Software, https://www.tournamentsoftware.com/tournament/583C0127-48D2-47AD-9890-38AAF557D2ED
Myndir frá Þorbergi Frey Pálmarssyni og Sigurjón Ólafssyni.
