Benedikt Darri og Darian sigruðu á Lekstorps Sommarpool 2025
Góður árangur náðist á fyrsta degi Lekstorps Sommarpool 2025 mótsins Gautaborg, þar sem um 20 íslenskir leikmenn úr unglingalandsliðshópnum taka þátt. Hver leikmaður keppir í nokkrum styrkleikaflokkum.
Benedikt Darri Malmquist og Darian Adam Róbertsson Kinghorn sigruðu hvor í sínum flokknum og fleiri íslenskir leikmenn komust á verðlaunapall.
Darian Adam Róbertsson Kinghorn sigraði í flokki -1200 stig og vann alla sína leiki (sjá mynd á forsíðu).
Benedikt Darri Malmquist sigraði í flokki -900 stig og vann alla leiki sína í flokknum. Lúkas André Ólason varð í 5.-8. sæti. Viktor Daníel Pulgar vann tvo leiki í riðlinum en sat eftir á lotuhlutfalli og komst ekki í útsláttarkeppnina.
Kristján Ágúst Ármann varð annar í flokki -1500 stig. Alexander Chavdarov Ivanov varð í 5.-8. sæti og Benedikt Aron Jóhannesson í 9.-10. sæti. Guðbjörg Vala Gunnarsdóttir og Sól Kristínardóttir Mixa unnu leik í riðlinum en komust ekki í útsláttarkeppnina.
Darian varð í 2. sæti í flokki -1000 stig. Margir íslenskir leikmenn komust upp úr riðli, því Anton Óskar Ólafsson varð í 5.-8. sæti og Benedikt Darri Malmquist, Helena Árnadóttir og Viktor Daníel Pulgar höfnuðu í 9.-16. sæti. Lúkas André Ólason vann tvo leiki í riðlinum en sat eftir á óhagstæðara lotuhlutfalli. Hergill Frosti Friðriksson vann leik í riðlinum en komst ekki í úrsláttarkeppnina.
Brynjar Gylfi Malmquist varð í 3. sæti í flokki -600 stig. Ari Jökull Jóhannesson og Sindri Þór Rúnarsson urðu í 5.-8. sæti og Marta Dögg Stefánsdóttir í 9.-16. sæti. Brynjar og Sindri féllu báðir úr leik gegn sigurvegaranum í flokknum. Jörundur Steinar Hanssen og Þórunn Erla Gunnarsdóttir unnu leik í riðlinum en komust ekki í útsláttarkeppnina.
Brynjar Gylfi varð líka í 3. sæti í flokki -700 stig. Sindri Þór Rúnarsson vann tvo leiki í riðlinum og komst í útsláttarkeppnina, þar sem hann varð í 17.-20. sæti. Ari Jökull Jóhannesson, Jörundur Steinar Hansen og Þórunn Erla Gunnarsdóttir unnu einn leik í riðlinum.
Kristján Ágúst Ármann og Óskar Agnarsson urðu í 3.-4. sæti í flokki -2250 stig, sem er langsterkasti flokkurinn sem keppt var í þennan dag. Benedikt Aron Jóhannsson og Sól Kristínardóttir Mixa unnu leik í riðlinum. Óskar er of gamall til að vera í unglingalandsliðshópnum og er á mótinu á eigin vegum.
Guðbjörg Vala Gunnarsdóttir var eini íslenski keppandinn í flokki -1400 stig. Hún vann leik í riðlinum en það dugði ekki til að komast áfram í flokknum.
Keppni heldur áfram 28. júní og lýkur sunnudaginn 29. júní.
Hér má sjá úrslit á mótinu: https://resultat.ondata.se/001134/
Myndir frá hópnum í Gautaborg.
