Bendik Brekke Þorfinnsson keppir á EM unglinga fyrir Noreg

Bendik Brekke Þorfinnsson, sem er búsettur í Noregi og á íslenskan föður og norska móður, keppir á Evrópumóti unglinga í Kazan i Rúslandi. Bendik er í þriggja manna liði Noregs í kadett flokki (15 ára og yngri).

 

Að sögn Þorfinns Guðmundssonar, föður Bendik, hefur gengið vel hjá Bendik í vetur og er hann stigahæstur í Noregi í flokki leikmanna fæddra 1997 og síðar. Bendik varð Noregsmeistari í apríl í flokki pilta 13 ára og yngri.
Bendik æfir mikið með landsliðinu. Meðal annars var æft 6 daga i viku, tvisvar á dag, frá 20. júní til 13. júlí. Á þeim tíma tók liðið þátt í Norður-Evrópumóti unglinga i Tallin í Eistlandi.