Unglingalandsmót UMFÍ – mikil þátttaka í borðtennis

Unglingalandsmót UMFÍ fór fram um verslunarmannahelgina og var spilað í borðtennis á föstudeginum 1. ágúst. Þátttaka í borðtennis var mikil en alls voru 185 skráðir til leiks.

Keppt var í eftirfarandi aldurs- og kynjaflokkum en sjá má úrslit á vef UMFÍ.

• Stúlkur 11 – 12 ára
• Stúlkur 13 – 14 ára
• Stúlkur 15 – 18 ára
• Piltar 11 – 12 ára
• Piltar 13 – 14 ára
• Piltar 15 – 18 ára

Keppnisfyrirkomulag var eftir Monrad kerfinu. Leikið var í tveimur lotum og ef sitthvor aðilinn vann eina lotu þá var jafntefli.

Spilað var í íþróttamiðstöð Egilsstaða á 8 borðum. Rafael Rökkvi, þjálfari Þrists og Vals, Freyr Ævarsson og Lísa Leifsdóttir, formaður Hattar, stýrðu mótinu ásamt Auði Tinnu Aðalbjarnardóttur formanni BTÍ.

UMFÍ veitti verðlaun fyrir þrjú efstu sætin í hverjum flokki.

Myndir eru frá Auði Tinnu.