Nefndir BTÍ veturinn 2025-2026
Hinar þrjár hefðbundnu nefndir sem hafa starfað fyrir BTÍ undanfarin ár hafa verið skipaðar fyrir veturinn. Stjórn vill gjarnan að nefndarmenn endurspegli fjölbreytileika hreyfingarinnar, svo sem með ólíkum félögum, aldri, kyni o.s.frv.
Auk nefndanna leiddi auglýsing á heimasíðunni í vor til þess að BTÍ eignaðist umsjónarmann dómarafélagsins, sem samkvæmt reglugerð á að aðstoða við að útvega yfirdómara á mót og sjá til þess að dómaranámskeið sé haldið minnst einu sinni á ári. Það er Baldur Jónhannesson frá ÍFR sem hefur þegar hafið störf við að aðstoða með deildarkeppnina.
Mótanefnd:
- Guðrún Gunnarsdóttir (formaður)
- Magnús Birgir Kristinsson
- Rubén Illera López
Magnús Birgir og Rubén tóku við sæti Sigurjóns Ólafssonar og Jóns Gunnarssonar sem stóðu sig mjög vel í mótanefnd undanfarin ár og kann BTÍ þeim miklar þakkir fyrir.
Mótanefnd sér um utanumhald mótadagatals BTÍ og svarar spurningum um skipulags- og vafaatriði því tengt. Hafa má samband á [email protected].
Útbreiðslunefnd:
- Auður Tinna Aðalbjarnardóttir
- Bjarni Malmquist Jónsson
- Rubén Illera López
Útbreiðslunefnd hefur fengið tvo drífandi liðsmenn í sínar raðir, þá Bjarna sem er formaður Ungmennafélagsins Vísis í Suðursveit og Rubén sem þjálfar fyrir sex sunnlensk félög. Borðtennissambandið þakkar fráfarandi meðlimum Má Wolfgang Mixa og Sigurgeiri Inga Eyvinds Þorkelssyni kærlega fyrir bollaleggingar og stuðning undanfarin tvö ár.
Nefndin leggur áherslu á að hvetja til og styðja við stofnun nýrra borðtennisdeilda víða um land og að styðja við borðtennisfræðslu. Hafa má samband á [email protected] eða [email protected].
Landsliðsnefnd:
- Jóhann Ingi Benediktsson
- Auður Tinna Aðalbjarnardóttir
Jóhann og Auður halda áfram en út fer Bjarni Þorgeir Bjarnason sem var með síðasta vetur. Kann BTÍ honum kærar þakkir fyrir allskonar góða hjálp á þeim tíma.
Nefndin sér um samskipti við landsliðsþjálfarana tvo og styður við skipulagsmál landsliðs- og unglingalandsliðsverkefna. Hafa má samband á [email protected], [email protected] og [email protected].
