BR-B og KR-E með fullt hús stiga eftir tvær umferðir í 3. deild

Keppni hófst í 3. deild sunnudaginn 21. september og var leikið í Íþróttahúsi Snælandsskóla í Kópavogi. Vegna fjölda liða sem voru skráð til keppni í 3. deild leika að þessu sinni 6 lið í 3. deild en 10 lið leika í 4. deild og er þetta í fyrsta skipti sem leikið er í 4. deild.

Að loknum tveimur umferðum hafa BR-B og KR-E 4 stig, BM er með 3 stig og HK-C hefur 1 stig. KR-D hefur ekkert stig, eins og Víkingur-C, sem mætti ekki til leiks.

Úrslit úr einstökum viðureignum:
BM – HK-C 5-5
KR-E – KR-D 6-1
Víkingur-C – BR-B 0-6 (Víkingur-C mætti ekki til leiks)
Víkingur-C – KR-E 0-6 (Víkingur-C mætti ekki til leiks)
KR-D – BM 3-6
BR-B – HK-C 6-2

Úrslit úr leikjunum verða á næstunni lesin inn í Tournament Software forritið og birt á vef þess, sjá https://www.tournamentsoftware.com/sport/tournament.aspx?id=0B721535-C0C3-4C62-9D07-EF8BB768A7D0.

Forsíðumynd af liði BR-B frá Guðrúnu Gestsdóttur.