BH-C Íslandsmeistarar í 2. deild karla

Síðustu umferðirnar í 2. deild karla voru leiknar í TBR-húsinu í Reykjavík laugardaginn 7. febrúar.
Tvö stigahæstu liðin fyrir lokaumferðina, BH-C og KR-C mættust í hreinum úrslitaleik um sigur í deildinni í lokaumferðinni og þar hafði BH-C sigur 6-3. Liðið leikur því í 1. deild á næsta ári en lið KR-C fer í umspil við liðið sem hafnar í 5. sæti í 1. deild um sæti í 1. deild á næsta ári.

Lokastaðan í deildinni er því sú að BH-C sigrar með 17 stig. KR-C hafnar í 2. sæti með 14 stig og HK-B verður í 3. sæti með 12 stig. Þar á eftir kemur BR-A með 11 stig í 4. sæti. Í 5. sæti er Selfoss-A með 4 stig eftir sigur á Víkingi-B, en bæði liðin höfðu tvö stig fyrir lokaumferðina. Selfoss-A fer í umspil við liðið í 2. sæti í 3. deild um sæti í 2. á næsta keppnistímabili. Víkingur-B fellur í 3. deild en liðið lýkur keppni með 2 stig.

Úrslit úr einstökum viðureignum.

Selfoss-A – BH-C 1-6
HK-B – Víkingur-B 6-1
KR-C – BR-A 6-2

BR-A – HK-B 6-4
Víkingur-B – Selfoss-A 2-6
BH-C – KR-C 6-3

Úrslit verða á næstunni lesin inn á síðu deildarinnar á vef Tournament Software, sjá https://www.tournamentsoftware.com/sport/draw.aspx?id=B66E0A5D-7ECD-4C6C-AB70-018590DB137C&draw=13

Forsíðumynd frá Auði Tinnu Aðalbjarnardóttur.