Matthías er úr leik á EM U21 árs

Matthías Þór Sandholt er fallinn úr leik í einliðaleik, tvíliðaleik og tvenndarleik á EM U21 árs, sem fram fer þessa dagana í Cluj-Napoca í Rúmeníu.

Mattías hafnaði í 3. sæti í sínum riðli í einliðaleik eftir 3-1 sigur gegn Vit Kadlec frá Tékklandi í 2. umferð. Í fyrstu umferðinni tapaði hann gegn Eitey Sushan frá Ísrael og í lokaleiknum, sem var sýndur beint á vef ETTU tapaði Matthías 0-3 gegn Yoan Velichkov frá Búlgaríu. Einungis tveir efstu leikmennirnir í hverjum riðli fara áfram í útsláttarkeppnina og Matthías situr því eftir.

Matthías lék einnig í tvenndarleik með Dariu Kovalovu frá Úkraínu. Þau töpuðu 0-3 gegn Samuel Palusek og Dominiku Wiltschkovu frá Slóvakíu. Í tvenndarleik og tvíliðaleik er leikið með einföldum útslætti.

Í tvíliðaleik lék Matthías með Lasse Lehtola frá Finnlandi. Þeir töpuðu 0-3 fyrir Ignas Sisanovas frá Litháen og Khai Lam frá Noregi.

Slóð á úrslit úr leikjum á mótinu: https://www.ettu.tv/events/122/4/1/5/5