Alþjóðlegt dómarapróf haldið 29. nóvember 2026

BTÍ stefnir að því að halda alþjóðlegt dómarapróf þann 29. nóvember 2026. Staðsetning er ekki endanlega frágengin en líklega verður prófið í Reykjavík.

Áhugasamir próftakar sendi póst á netfangið [email protected] í síðasta lagi 25. ágúst nk.

Skilyrði fyrir því að geta skráð sig í prófið eru að vera fædd/ur 1. janúar 2006 eða fyrr, vera með landsdómararéttindi og hafa dæmt leiki á móti höldnu af BTÍ (þ.e. Íslandsmótin og deildakeppnin) á síðustu 2 árum.
BTÍ greiðir þátttökugjöldin en ef mjög margir lýsa yfir áhuga á þátttöku verður fjöldi þátttakenda hugsanlega takmarkaður. Litið verður jákvætt á að fá umsóknir frá einstaklingum af ólíkum aldri, kynjum, landssvæðum o.s.frv.

Prófið fer fram á netinu og skráðir próftakar fá aðgang að netnámskeiði, sem verður opið 1.-25. október og er skylda að sitja.

Þess má geta að stefnt er á að Norður-Evrópumót fullorðinna verði á Íslandi árið 2030 og þykir BTÍ mjög jákvætt ef fleiri dómarar halda áfram að bætast í stækkandi hóp alþjóðadómara hérlendis.

Næsta próf til réttinda alþjóðadómara verður sennilega haldið haustið 2028.