Kjartansmót og tvíliðaleiksmót KR 21.-22. nóvember
Borðtennisdeild KR heldur hið árlega Kjartansmót laugardaginn 21. nóvember. Sunnudaginn 22. nóvember verður haldið tvíliðaleiksmót. Nánari upplýsingar má finna í bréfi í viðhengi og í textanum hér fyrir neðan.
Bréf: Kjartansmót KR í borðtennis 21.-22.11. 2015
Kjartansmótið laugardaginn 21. nóvember 2015
Borðtennisdeild KR heldur hið árlega Kjartansmót laugardaginn 21. nóvember 2015 í KR-heimilinu við Frostaskjól. Mótið er haldið til heiðurs Kjartani Briem, fyrrverandi formanni Borðtennisdeildar KR. Fyrir hádegi verður keppt í liðakeppni yngri unglinga en síðan tekur við liðakeppni fullorðinna. Keppt er í tveggja manna liðum í hverjum flokki.
Tímaáætlun
- 10:00 Liðakeppni hnokka f. 2005 og síðar
- 10:00 Liðakeppni pilta f. 2003-2004
- 10:00 Liðakeppni sveina f. 2001-2002
- 10:00 Liðakeppni táta f. 2005 og síðar
- 10:00 Liðakeppni telpna f. 2003-2004
- 10:00 Liðakeppni meyja f. 2001-2002
- 12:00 Liðakeppni karla
- 13:00 Liðakeppni kvenna
Fyrirkomulag keppni
Hver unglingur má aðeins leika í einum aldursflokki unglinga en unglingar mega einnig leika í liðakeppni fullorðinna. Spilaformið er tveir einliðaleikir og tvíliðaleikur og til að vinna heilan liðsleik þarf að vinna tvo staka leiki. Leikið verður í riðlum og síðan með einföldum útslætti upp úr riðlunum. Engin röðun verður í liðakeppnina önnur en sú að leitast verður við að lið frá sama félagi lendi ekki saman í riðli.
Hvert lið samanstendur af tveimur leikmönnum, en leyfilegt er að tefla fram þriggja manna liðum. Mótanefnd mælist til þess að liðunum verði gefin nöfn, t.d. Garpar, Kempur.
Mótsstjórn áskilur sér rétt til að sameina flokka ef færri en 4 lið eru skráð í flokkinn en samt sem áður verða veitt verðlaun fyrir hvern flokk fyrir sig.
Veittir verða verðlaunapeningar fyrir 4 efstu sætin í hverjum flokki. Sigurliðin í karlaflokki og kvennaflokki fá farandbikar, Kjartansbikarinn, gefinn af Kjartani Briem, til varðveislu í eitt ár.
Sigurliðin í unglingaflokkum fá glaðning auk verðlaunapenings.
Tvíliðaleiksmót sunnudaginn 22. nóvember 2015
Borðtennisdeild KR heldur tvíliðaleiksmót sunnudaginn 22. nóvember 2015 í KR-heimilinu við Frostaskjól. Á mótinu verður keppt í tvíliðaleik á sama hátt og á afmælismóti KR í fyrra. Leiknar verða 6 umferðir í einum flokki samkvæmt Monrad kerfi, sem aðallega er notað á skákmótum.
Tímaáætlun
- 11:00 Tvíliðaleikur í einum flokki
Fyrirkomulag keppni
Leikið verður í einum flokki, svo karlar og konur leika hvort við annað. Leiknar eru 6 umferðir. Pörum verður ekki raðað. Sigurvegari í hverjum leik fær eitt stig en tapari ekkert. Í næstu umferð leika sigurvegarar úr fyrri umferð saman og taparar mætast innbyrðis. Í seinni umferðunum mætast pör sem hafa svipaðan fjölda stiga. Sigurvegari á mótinu verður það par sem hefur flest stig að loknum umferðunum sex. Ef fleiri pör hafa jafnmörg stig verða notaðar Monrad reglur til að skera úr um sigurvegara. Þær byggja á því að reikna út hvaða pör hafa leikið við sterkustu andstæðingana. Það par sem hefur leikið við sterkari andstæðinga lendir í hærra sæti.
Veittir verða verðlaunapeningar fyrir 3 efstu pör karla og 3 efstu pör kvenna. Tvenndarkeppnispar (þ.e. blandað par karls og konu) getur unnið til verðlauna í karlaflokki. Að auki verður það par verðlaunað sem nær lengst, þar sem leikmennirnir hafa samanlegt færri en 2700 stig á styrkleikalista BTÍ og hefur ekki fengið önnur verðlaun á mótinu.
Hagnýtar upplýsingar um bæði mótin
Þátttökugjöld
Gjaldið greiðist inn á bankareikning Borðtennisdeildar KR og skal tekið fram fyrir hvaða leikmann er verið að greiða á netfangið [email protected].
Bankareikningur: 0137-26-008312, kennitala 661191-1129.
Kjartansmót: 2.000 kr. á lið í liðakeppni unglinga og 2.500 kr. á lið í liðakeppni fullorðinna ef greitt er á keppnisstað. Ef þátttökugjald er greitt við skráningu eða í síðasta lagi 18. nóvember kl. 18.00 er veittur afsláttur og er þátttökugjaldið þá 1.500 kr. á lið í liðakeppni unglinga og 2.000 kr. á lið í liðakeppni fullorðinna.
Tvíliðaleiksmót: 2.500 kr. á par ef greitt er á keppnisstað. Ef þátttökugjald er greitt við skráningu eða í síðasta lagi 18. nóvember kl. 18.00 er veittur afsláttur og er þátttökugjaldið þá 2.000 kr. á par.
Skráning
Skráning fyrir bæði mótin fer fram á vefnum á slóðinni http://goo.gl/forms/HgxxLvtw6X til kl. 18 miðvikudaginn 18. nóvember 2015. Kennitölur skulu fylgja öllum skráningum í samræmi við keppnisreglur BTÍ!
Annað
Dregið verður í Kjartansmótið í Íþróttahúsi Hagaskóla miðvikudagskvöldið 18. nóvember kl. 20:00. Drátturinn verður birtur á vefnum á slóðinni www.tournamentsoftware.com.
Dregið verður í tvíliðaleiksmótið við upphaf keppni, 22.11. kl. 11. Keppendur sem ekki eru mættir kl. 11 verða ekki dregnir inn í mótið enda þótt þeir hafi skráð sig til leiks! Þess vegna er mikilvægt að keppendur mæti á réttum tíma!
Leikið verður á Stiga expert borðum með Tibhar hvítum 3ja stjörnu plastkúlum.
Mælst er til þess að leikmenn leiki í búningum síns félags.
Mótstjórn:
Aldís Rún Lárusdóttir, gsm. 867 4176, [email protected]
Ásta M. Urbancic, gsm. 895 96 93, [email protected]
Kristján Viðar Haraldsson, gsm. 820 0007, [email protected]
Yfirdómari: Hannes Guðrúnarson og annar yfirdómari sem verður tilkynntur síðar.
Fyrir hönd Borðtennisdeildar KR
Ásta M. Urbancic
