Æfingabúðir Umf. Samherja voru haldnar að Hrafnagili 14. nóvember
Umf. Samherjar hélt æfingabúðir að Hrafnagili laugardaginn 14. nóvember í tengslum við aldursflokkamótið, sem haldið var sunnudaginn 15. nóvember. Þátttaka var ókeypis og að auki var boðið upp á heitan hádegismat. Þátttaka var bæði opin fyrir keppendur á mótinu og aðra áhugasama og sótti fjöldi iðkenda búðirnar. Þjálfari var Jóhannes Bjarki Urbancic Tómasson.
Í tengslum við æfingabúðirnar fór einnig fram fræðsla um næringu og heilbrigði.
Um kvöldið var haldin kvöldvaka, þar sem m.a. var spilað bingó.
Meðfylgjandi myndir eru frá Umf. Samherjum.
ÁMU (fleiri myndum bætt við 24.11.)
