Breki og Kári, Aldís og Sigrún sigruðu í liðakeppni Kjartansmótsins
Breki Þórðarson og Kári Ármannsson, KR sigruðu í liðakeppni karla og Aldís Rún Lárusdóttir og Sigrún Ebba Urbancic Tómasdóttir, KR í liðakeppni kvenna á hinu árlega Kjartansmóti KR, sem fram fór í Íþróttahúsi Hagaskóla 20. nóvember.
Keppni í liðakeppni karla var jöfn og spennandi, og í úrslitum mættust liðin sem höfnuðu í 2. sæti í sínum riðli. Ekkert lið fór því taplaust í gegnum keppnina í karlaflokki.
Í undanúrslitum mættust BH liðin Sven (Jóhannes Bjarki Urbancic Tómasson og Tómas Ingi Shelton) og Svalbarðseyri (Birgir Ívarsson og Magnús Gauti Úlfarsson). Jóhannes vann Magnús Gauta og Birgir lagði Tómas. Jóhannes og Tómas unnu svo tvíliðaleikinn 11-8 í oddalotu.
Í hinum undanúrslitunum léku tvö KR-lið. Breki Þórðarson og Kári Ármannsson unnu Kára Mímisson og Skúla Gunnarsson 2-1 með 3-0 sigri í tvíliðaleik, eftir að Kárarnir höfðu unnið einliðaleikina.
Í úrslitunum vann Kári Tómas 3-0 og Breki sigraði Jóhannes 11-9 í oddaotu. Úrslitaleiknum lauk því með 2-0 sigri Breka og Kára.
Aðeins tvö lið voru skráð í liðakeppni kvenna. Sigrún Ebba Urbancic Tómasdóttir lagði Bergrúnu Lindu Björgvinsdóttur 3-0 og Aldís Rún Lárusdóttir vann Auði Tinnu Aðalbjarnardóttur 3-0. Aldís og Sigrún unnu því úrslitaleikinn 2-0.
Verðlaunahafar
Liðakeppni karla
- Breki Þórðarson/Kári Ármannsson, KR
- Jóhannes Bjarki Urbancic Tómasson/Tómas Ingi Shelton, BH
3.-4. Birgir Ívarsson/Magnús Gauti Úlfarsson, BH
3.-4. Kári Mímisson/Skúli Gunnarsson, KR
Liðakeppni kvenna
- Aldís Rún Lárusdóttir/Sigrún Ebba Urbancic Tómasdóttir, KR
- Auður Tinna Aðalbarnardóttir/Bergrún Linda Björgvinsdóttir, KR/Dímon
Úrslit úr öllum leikjum má sjá á vefnum á slóðinni http://www.tournamentsoftware.com/sport/tournament.aspx?id=B101AAC7-201A-4534-82F9-3B5DE1B7EF9A
Myndir frá Finni Hrafni Jónssyni.
ÁMU
