Grand Prix mót KR og Keldunnar 22. janúar 2017
Borðtennisdeild KR heldur Grand Prix mót sunnudaginn 22. janúar 2017 í Íþróttahúsi Hagaskóla við Neshaga 3 (miðinngangur). Keppni hefst kl. 12.00.
Keppnisflokkar:
12:00 Opinn flokkur karla
13:30 Opinn flokkur kvenna
Fyrirkomulag keppni
Leikið er með einföldum útslætti og þarf fjórar unnar lotur til að vinna leik. Leikið verður í B-keppni fyrir þá sem tapa fyrsta leik. Raðað verður í töflu samkvæmt keppnisreglum eftir nýjasta styrkleikalista BTÍ. Leikið verður á Stiga expert borðum með hvítum 3ja stjörnu plastkúlum. Mælst er til þess að leikmenn leiki í búningum síns félags.
Verðlaun verða veitt fyrir fjögur efstu sætin í hvorum flokki en í B-keppni eru aðeins veitt verðlaun fyrir sigur.
Þátttökugjald: 1.500 krónur ef greitt er á keppnisstað. Ef þátttökugjald er greitt við skráningu eða í síðasta lagi 19. janúar kl. 18 er veittur afsláttur og er þátttökugjaldið þá 1.000 krónur. Gjaldið greiðist inn á bankareikning Borðtennisdeildar KR og skal skrifað í athugasemd fyrir hvaða leikmann er verið að greiða en einnig senda tölvupóst með nafni og kennitölu þáttakanda sem greitt er fyrir á netfangið [email protected]. Bankareikningur: 0137-26-008312, kennitala 661191-1129.
Skráning fer fram á vef Tournament Software (http://www.tournamentsoftware.com/sport/tournament.aspx?id=11BA81F9-97E5-427E-BE01-484BAEE86198) til kl. 20 fimmtudaginn 19. janúar 2017. Setja skal kennitölu sem „Member ID“. Ef ekki gengur að skrá sig á vef Tournament Software má senda skráningu til mótsstjórnar fyrir kl. 20 fimmtudaginn 19. janúar. Á vef BTÍ (www.bordtennis.is) eru leiðbeiningar um stofnun reiknings og skráningu á Tournament Software. Þeir, sem hafa áður stofnað reikning til að skrá sig á mót geta notað hann aftur.
Kennitölur skulu fylgja öllum skráningum í samræmi við keppnisreglur BTÍ!
Dregið verður í Íþróttahúsi Hagaskóla föstudaginn 20. janúar klukkan 17:30. Eftir að dregið hefur verið í mótið verður ekki bætt við keppendum, nema að um sannanleg mistök mótsstjórnar sé að ræða. Drátturinn verður birtur á vef Tournament Software.
Bréf um mótið: GP mót KR í borðtennis 22.1. 2017
ÁMU
