KR-A sigraði KR-B í fyrsta úrslitaleiknum í 1. deild kvenna

KR-A og KR-B áttust við í fyrsta úrslitaleiknum í 1. deild kvenna í Íþróttahúsi Hagaskóla 27. mars. Leiknum lauk með 3-0 sigri KR-A. Liðið tapaði þó fyrstu lotunum í vetur í leiknum í kvöld en til þessa hefur liðið unnið allar einstakar viðureignir leikmanna 3-0.

Annar leikurinn fer fram miðvikudaginn 29. mars kl. 19.30. Sigri KR-A er liðið Íslandsmeistari í 1. deild kvenna, en sigri KR-B verður leikinn oddaleikur föstudaginn 31. mars.

Úrslit úr einstökum leikjum

KR-A – KR-B 3-0

• Aldís Rún Lárusdóttir – Guðbjörg Lív Margrétardóttir 3-1 (11-3, 12-14, 11-2, 11-4) 1-0
• Ásta M. Urbancic – Ársól Arnardóttir 3-1 (11-2, 9-11, 11-8, 11-7) 2-0
• Aldís/Auður Tinna Aðalbjarnardóttir – Ársól/Guðbjörg 3-0 (11-6, 11-5, 11-7) 3-0

Á meðfylgjandi mynd má sjá lið KR-B í leiknum en fyrr í vetur lék Sveina Rósa Sigurðardóttir einnig með liðinu.

ÁMU