Styrkleikalisti fyrir 1. apríl er kominn á vefinn
Styrkleikalisti fyrir 1. apríl 2017 (nefndur eftir viku 13) hefur verið birtur á vefnum, með fyrirvara um réttar skráningar.
Enn á eftir að leiðrétta stig fyrir Adam Sworowski, BH, sem kemur nýr inn á listann og á að fara inn með meira en 1200 stig vegna góðrar frammistöðu. Leiðrétting á hans stigum hefur áhrif á nokkra aðra leikmenn.
Frá því að styrkleikalistinn fyrir 1. mars var birtur hafa þessi mót verið lesin inn í listann:
- Íslandsmótið 2017 4.-5. mars
- Íslandsmót unglinga 2017 18.-19. mars
- Íslandsmót öldunga 2017 25. mars
- Aldursflokkamót Víkings 26. mars
- 1. deild kvenna úrslitakeppni
- Leikir í 2. deild, sem fram fóru í mars
Meðal þess sem helst hefur gerst markvert frá síðustu uppfærslu má nefna að Tómas Ingi Shelton, BH hefur unnið sig upp í meistaraflokk í fyrsta skipti. Þá hafa Karl A. Claesson, KR, Guðmundur Ragnar Guðmundsson, Víkingi og Kristín Ingibjörg Magnúsdóttir, KR flust upp í 1. flokk.
Enn á eftir að ljúka vinnu við að fjarlægja konur, sem ekki hafa leikið síðan 2012 af listanum. Henni verður haldið áfram á næstunni. Upphaf árs 2013 var valið sem viðmið, þar sem það er viðmiðið fyrir virka leikmenn vegna úthlutunar fulltrúa á ársþing BTÍ 2016.
Til að finna stig leikmanna, sem léku árið 2012 eða fyrr en ekki eru virkir lengur, þarf að fletta þeim upp í Excel skjalinu Styrkleikalisti 1. nóv.2015, sem er að finna í hægri dálkinum á síðunni, undir Nýtt á bordtennis.is.
Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann telur ekki með leiki í deildarkeppninni.
Ef eitthvað er vitlaust skráð, vinsamlegast hafið samband við Ástu ([email protected]) eða Hlöðver ([email protected]).
ÁMU
