• 16.04.2018
• Frettir

BH, KR, Umf. Samherjar og Víkingur unnu titlana á seinni degi Íslandsmóts unglinga

BH og KR unnu fimm titla hvort félag, Umf. Samherjar fjóra og Víkingur þrjá, á Íslandsmóti unglinga, sem fram fór að Hrafnagili í Eyjafjarðarsveit helgina 14.-15. apríl.

Mótið var skipulagt af Umf. Samherjum, Æskunni og Akri og voru keppendur rúmlega 80 talsins. Þeim fylgdu fjöldi aðstandenda og gistu sumir í Hrafnagilsskóla en aðrir í sumarhúsum eða íbúðum á svæðinu. Hægt var að vera í fæði á meðan á móti stóð og þá buðu mótshaldarar í sundlaugarpartý á laugardagskvöldinu. Mótið heppnaðist vel og fóru gestir ánægðir heim.

Eiríkur Logi Gunnarsson, KR; Heiðmar Sigmarsson, Umf. Samherjum og Magnús Gauti Úlfarsson, BH unnu þrjá titla hver á mótinu. Hildur Marín Gísladóttir, Umf. Samherjum, Sól Kristínardóttir Mixa, BH og Stella Karen Kristjánsdóttir, Víkingi, unnu tvo titla hver. Þess má geta að Eiríkur Logi tapaði ekki einni einustu lotu í öllum þremur greinunum á mótinu.

Fjölmargar myndir frá mótinu hafa verið settar inn á heimasíðu BTÍ á Facebook.

Verðlaunahafar

Einliðaleikur hnokka fæddir 2007 og síðar

1. Alexander Ivanov, BH
2. Nikulás Dagur Jónsson, BH

3.-4. Óskar Davíð Áss Sigurðsson, KR

3.-4. Theodór Svarfdal Sveinbjörnsson, BH

Alexander varði titilinn sem hann vann í fyrra og á ennþá eitt ár eftir í flokknum. Hann tapaði einni lotu í einliðaleik, gegn Nikulási í riðlinum, en vann Nikulás 3-0 (11-2, 11-9, 11-8) í úrslitaleiknum. Hinir hnokkarnir í verðlaunasætunum eru líka gjaldgengir í flokkinn á næsta ári. Óskar vantar á myndina.

Einliðaleikur pilta fæddir 2005-2006

1. Eiríkur Logi Gunnarsson, KR

2. Kristófer Júlían Björnson, BH

3.-4. Trausti Freyr Sigurðsson, Umf. Samherjum

3.-4. Jázeps Máni Meckl, Akri

Eiríkur kemur úr mikilli borðtennis- og íþróttafjölskyldu og er sá fjórði í fjölskyldunni sem verður Íslandsmeistari í einliðaleik í borðtennis. Hann sigraði Kristófer 3-0 (11-5, 11-9, 11-7) í úrslitum. Hinir piltarnir í verðlaunasætunum eiga allir feður sem spila borðtennis.

Einliðaleikur sveina fæddir 2003-2004

1. Heiðmar Örn Sigmarsson, Umf. Samherjum
2. Arnar Logi Viðarsson, Akri

3.-4. Mímir Kristínarson Mixa, BH

3.-4. Reynir Snær Skarphéðinsson, BH

Heiðmar varði titilinn sem hann vann í fyrra og vann Arnar Loga í æsispennandi úrslitaleik 3-2 (7-11, 11-5, 9-11, 12-10, 11-9).

Einliðaleikur drengja fæddir 2000-2002

1. Magnús Gauti Úlfarsson, BH
2. Ingi Darvis Rodriguez, Víkingi

3.-4. Birgir Ívarsson, BH

3.-4. Ellert Kristján Georgsson, KR

Magnús Gauti varð Íslandsmeistari þriðja árið í röð og tapaði ekki lotu í einliðaleik. Hann vann Inga 3-0 (11-5, 11-8, 11-2) í úrslitaleiknum.

Einliðaleikur táta fæddar 2007 og síðar

1. Friðrika Sigurðardóttir, KR
2. Sara Dögg Sindradóttir, Umf. Samherjum

3.-4. Guðbjörg Vala Gunnarsdóttir, KR

3.-4. Lilja Óskarsdóttir, Umf. Samherjum

Friðrika vann alla sína leiki 3-0 og lagði Söru 11-2, 14-12, 11-5 í úrslitaleiknum. Lilju vantar á myndina.

Einliðaleikur telpna fæddar 2005-2006

1. Agnes Brynjarsdóttir, Víkingi
2. Sól Kristínardóttir Mixa, BH

3.-4. Alexía Kristínardóttir Mixa, BH

3.-4. Freyja Dís Benediktsdóttir, KR

Agnes varði titilinn sem hún vann í fyrra og vann Sól örugglega í úrslitaleiknum 3-0 (11-6, 11-7, 11-5) en þessar tvær hafa verið í úrslitum í flestum mótum á aldursflokkamótaröðinni í vetur.

Einliðaleikur meyja fæddar 2003-2004

1. Hildur Marín Gísladóttir, Umf. Samherjum
2. Kristín Ingibjörg Magnúsdóttir, KR

3.-4. Lóa Floriansdóttir Zink , KR

3.-4. Þóra Þórisdóttir, KR

Hildur sigraði nokkuð óvænt í flokknum, en henni var ekki raðað meðal fjögurra stigahæstu keppendanna. Hún reynist sterkari í jöfnu lotunum í úrslitunum og vann Kristínu 3-1 (11-9, 4-11, 12-10, 14-12) í úrslitaleiknum.

Í þessum flokki gerðist það sem sjaldan gerist, að leikmennirnir í 2. sæti A- og B-riðils mættust í úrslitum svo engin þeirra fór ósigruð í gegnum mótið. Hildur tapaði fyrir Þóru og Kristín fyrir Lóu í riðlunum.

Einliðaleikur stúlkna fæddar 2000-2002

1. Stella Karen Kristjánsdóttir, Víkingi
2. Ársól Clara Arnardóttir, KR
3. Þórunn Ásta Árnadóttir, Víkingi
4. Lára Ívarsdóttir, KR

Stella vann Ársól 3-1 (11-13, 11-7, 11-3, 11-7) og tryggði sér titilinn í þessum flokki annað árið í röð.

Tvíliðaleikur pilta fæddir 2005 og síðar

1. Eiríkur Logi Gunnarsson/Gunnar Þórisson, KR
2. Jázeps Máni Meckl/Trausti Freyr Sigurðsson, Akri/Umf. Samherjum

3.-4. Birkir Smári Traustason/Kristófer Júlían Björnson, BH

3.-4. Ólafur Steinn Ketilbjörnsson/Stefán Fannar Hallgrímsson, KR

Eiríkur og Gunnar unnu Jázeps og Trausta 3-0 (13-11, 11-6, 11-8) í úrslitaleiknum en þetta var fyrsti titill þeirra í tvíliðaleik.

Tvíliðaleikur sveina fæddir 2003-2004

1. Heiðmar Örn Sigmarsson/Úlfur Hugi Sigmundsson, Umf. Samherjum
2. Mímir Kristínarson Mixa/Reynir Snær Skarphéðinsson, BH

3.-4. Askur Bjarnason/Dagur Stefánsson, Víkingi

3.-4. Matthías Benjamínsson/Thor Thors, KR

Heiðmar og Úlfur vörðu titilinn frá því í fyrra án þess að tapa lotu og unnu Mími og Reyni 3-0 (11-5, 11-9, 11-7) í úrslitum. Ask og Dag vantar á myndina.

 

Tvíliðaleikur drengja fæddir 2000-2002

1. Birgir Ívarsson/Magnús Gauti Úlfarsson, BH
2. Ellert Kristján Georgsson/Gestur Gunnarsson, KR

3.-4. Elvar Pierre Kjartansson/Karl Andersson Claesson, KR

3.-4. Ingi Darvis Rodriguez/Ísak Indriði Unnarsson, Víkingi

Úrslitaleikurinn í þessum flokki var æsispennandi en Birgi og Magnúsi tókst að knýja fram sigur 13-11 í oddalotu (8-11, 12-10, 7-11, 11-6, 13-11), eftir að Ellert og Gestur höfðu náð forystu 11-10. Þeir unnu þar með titil í tvíliðaleik fjórða árið í röð.

Tvíliðaleikur telpna fæddar 2005 og síðar

1. Alexía Kristínardóttir Mixa/Sól Kristínardóttir Mixa, BH
2. Agnes Brynjarsdóttir/Berglind Anna Magnúsdóttir, Víkingi/KR

3.-4. Elísa Þöll Bjarnadóttir/Margrét Dana Þórsdóttir, KR/Umf. Samherjum

3.-4. Freyja Dís Benediktsdóttir/Friðrika Sigurðardóttir, KR

Tvíburasysturnar Alexía og Sól unnu Agnesi og Berglindi 3-2 (8-11, 11-5, 11-6, 7-11, 11-8) í jöfnum og vel leiknum úrslitaleik og tryggðu sér sinn fyrsta titil í tvíliðaleik. Flestar stúlknanna í verðlaunasætum verða ennþá gjaldgengar í þessum flokki á næsta ári. Margréti vantar á myndina.

 

Tvíliðaleikur meyja fæddar 2003-2004

1. Kristín Ingibjörg Magnúsdóttir/Þuríður Þöll Bjarnadóttir, KR
2. Lóa Floriansdóttir Zink/Þóra Þórisdóttir, KR
3. Embla Eir Jónsdóttir/Hildur Marín Gísladóttir, Akri/Umf. Samherjum

Kristín varði titilinn, sem hún vann með Þóru í fyrra en Þuríður vann sinn fyrsta Íslandsmeistaratitil.  Úrslitaleikurinn var sveiflukenndur en lauk með 3-1 (3-11, 11-2, 11-5, 11-7) sigri Kristínar og Þuríðar. Emblu vantar á myndina.

Tvíliðaleikur stúlkna fæddar 2000-2002

1. Stella Karen Kristjánsdóttir/Þórunn Ásta Árnadóttir, Víkingi
2. Ársól Clara Arnardóttir/Lára Ívarsdóttir, KR

Stella og Þórunn unnu þriðja árið í röð og lögðu Ársól og Láru 3-1 (11-9, 5-11, 11-7, 11-4) í úrslitaleik.

Úrslit í tvenndarkeppni – sjá frétt frá 14. apríl.

Allir leikmenn í flokkum 11 ára og yngri fengu viðurkenningu fyrir þátttökuna.

Sýnt var beint frá mótinu á vefnum.

Myndir frá Brynjari Ólafssyni og frá Borðtennissambandi Íslands.

Úrslit úr öllum leikjum má sjá á vef mótsins á síðu Tournament Software, http://www.tournamentsoftware.com/sport/tournament.aspx?id=8F495D03-31D9-435E-B249-13B75BDCEE25

ÁMU (uppfært 16. og 17.4.)