BH-A og Víkingur í forystu í Raflandsdeild karla og kvenna
BH-A hefur forystu í Raflandsdeild karla og Víkingur í Raflandsdeild kvenna að lokinni þriðju leikjahelginni í deildinni, en 5. og 6. umferð voru leiknar í TBR-húsinu laugardaginn 24. nóvember.
Tvö efstu liðin í 1. deild karla mættust í 6. umferð en þessi lið voru í 1. og 2. sæti að loknum fyrri fimm leikjunum. BH-A sigraði 3-2 í hörkuleik, og hefur nú fjögurra stiga forystu í deildinni þegar keppni er rúmlega hálfnuð. Tvö neðstu liðin mættust í botnslag og vann KR-B HK-B 3-2 í æsispennandi leik. Staðan í deildinni að loknum 6 umferðum er því sú að BH-A hefur 12 stig, Víkingur-A og KR-A hafa 8 stig, HK-A 6 stig, KR-B 2 stig og HK-B hefur ekkert stig.
Í 1. deild kvenna eru Víkingskonur í forystu með 12 stig en KR-A fylgir fast á eftir með 10 stig. KR-B og BH hafa 6 stig, KR-C hefur 2 stig og Umf. Samherjar hafa ekkert stig.
Úrslit í Raflandsdeildinni
1. deild karla.
5. umferð:
KR B – HK B 3-2
KR A – BH A 0-3
HK A – Víkingur A 0-3
6. umferð:
KR B– KR A 1-3
HK A– HK B 3-1
Víkingur A – BH A 2-3
1. deild kvenna.
5. umferð:
KR C – Víkingur 0-3
KR B – BH 3-1
Samherjar – KR A 0-3 (Samherjar mættu ekki)
6. umferð:
KR B – KR A 0-3
KR C– BH 1-3
Samherjar –Víkingur 0-3 (Samherjar mættu ekki)
Úrslit úr öllum leikjum eru komin á vef Tournarment Software á slóðinni http://www.tournamentsoftware.com/sport/tournament.aspx?id=5F6B23C6-A4BF-4DD7-9579-BCBF9F513EEE
Á forsíðumyndinni má sjá Magnús Gauta og Magnús Jóhann í leik BH-A og Víkings-A.
ÁMU (skipt um forsíðumynd 29.11.)
