Úrslit í Raflandsdeildinni 13. apríl
Úrslitaleikirnir í Raflandsdeild karla og kvenna fara fram í Íþróttahúsinu við Strandgötu í Hafnarfirði laugardaginn 13. apríl.
Úrslitaleikurinn í kvennadeildinni hefst kl. 12, en þar mætast deildarmeistarar Víkings og B-lið KR.
Úrslit í karladeildinni verða kl. 14 en þar leika deildarmeistarar BH og Íslandsmeistarar Víkings-A frá síðasta keppnistímabili.
Til stóð að leika umspilsleik milli karlaliða Víkings-B og KR-B kl. 10 en ekki verður af leiknum þar sem lið BH-B hefur gefið eftir sæti sitt í efstu deild karla á næsta ári og Víkingur-B hefur þegið það sæti, sem næsta lið inn. Hefur stjórn BTÍ staðfest það fyrirkomulag á stjórnarfundi dags. 11. apríl 2019.
Mætum og sjáum góðan borðtennis og styðjum okkar fólk!
ÁMU, uppfært II
