Þýskaland tvöfaldur Evrópumeistari í liðakeppni

Þjóðverjar urðu tvöfaldir Evrópumeistarar í liðakeppni á Evrópumeistaramótinu sem fór fram í Cluj í Rúmeníu um síðustu helgi.

Í liðakeppni karla unnu Þjóðverjar titilinn í 10. skipti eftir að þeir lögðu Rússa 3-2 í úrslitaleik. Í úrslitaleiknum léku Benedikt Duda, Patrick Franziska og Dang Qui fyrir Þýskaland. Danmörk og Svíþjóð unnu bronsverðlaunin.

Í liðakeppni kvenna lagði Þýskaland Rúmeníu 3-1 í úrslitaleik. Í sigurliði Þýskalands léku Chantal Mainz, Nina Mittelham og Sabine Winter í úrslitaleiknum. Frakkland og Portúgal fengu bronsið.