Styrkleikalisti fyrir 1. nóvember birtur
Styrkleikalisti fyrir 1. nóvember 2021 (kallaður eftir viku 44) hefur verið birtur á vefnum, með fyrirvara um réttar skráningar.
Frá því að síðasti listi var birtur, hefur Smassmótið mikla hjá BH þann 9. október verið lesið inn í styrkleikalistann, sem og leikir í Keldudeildinni, 2. deild og 3. deild sem fram fóru í október.
Við þessa uppfærslu gerðist það helst markvert að Ingi Darvis Rodriguez, Víkingi, er kominn í efsta sæti á karlalistanum. Þá færðist Norbert Bedö, KR, upp í meistaraflokk í fyrsta skipti og Björgvin Ingi Ólafsson, HK, er kominn upp í 1. flokk í fyrsta skipti.
Fyrir þessa uppfærslu á listanum voru teknir út af listanum þeir leikmenn sem léku árið 2017 en hafa ekki leikið síðan. Lista yfir þessa leikmenn og styrkleikastig þeirra má finna í viðhengi. Í kjölfarið fluttust flestir leikmenn upp um sæti á listanum. Á næstunni verður birt skjal með stigum allra þeirra leikmanna sem hafa dottið út af virka styrkleikalistanum.
https://bordtennis.is/wp-content/uploads/2021/11/Leikmenn-leku-sidast-2017.pdf
Þeir Abbas Rahman Abdullah, BR, Dominik Rajs, Víkingi, Mateusz Marcykiewicz, BR og Piotr Bryś, BR voru metnir inn á listann byggt á úrslitum í leikjum þeirra í október. Daníel Hannesson, KR og Zhivko Yanev Dimov, KR, komu aftur inn á virka listann eftir nokkurra ára fjarveru.
Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann, telur ekki með leiki í deildarkeppninni.
Ef eitthvað er vitlaust skráð, vinsamlegast hafið samband við Ástu ([email protected]).
