Styrkleikalisti fyrir 1. apríl birtur á vefnum

Styrkleikalisti fyrir 1. apríl 2023 (kallaður eftir viku 13) hefur verið birtur á vefnum, með fyrirvara um réttar skráningar.
Við þessa uppfærslu hefur Íslandsmót fullorðinna, sem fram fór þann 3.-5. mars, Íslandsmót unglinga 18.-19. mars og síðasti leikurinn í 2. deild, sem var leikinn 24. mars, verið lesin inn í styrkleikalistann.

Guðmundur Stephensen kemur aftur inn á virka listann eftir sigurinn á Íslandsmótinu og tyllir sér á toppinn á karlalistanum. Eva Jósteinsdóttir, sem kemur líka inn á virka listann eftir að hún tók þátt í Íslandsmótinu eftir nokkurra ára hlé, sést hins vegar ekki á listanum, þar sem hún lék aðeins í tvíliðaleik. Hún hefði átt að sjást í 5. sæti með 1737 stig.

Auk þess sem að ofan er getið, vann Björgvin Ingi Ólafsson, HK, sig upp í meistaraflokk í fyrsta skipti. Nokkrir leikmenn, sem náðu góðum árangri á Íslandsmótunum stukku upp listann. Þannig hækkaði Aleksander Patryk Jurczak, BR um 269 sæti á listanum í mars.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann, telur ekki með leiki í deildarkeppninni.

Ef eitthvað er vitlaust skráð, vinsamlegast hafið samband við Ástu, [email protected].