A-lið Íslands sigraði Færeyjar í fyrstu umferð í kvennaflokki á Arctic mótinu
A-lið Íslands: Aldís Rún Lárusdóttir, Lilja Rós Jóhannesdóttir og Eva Jósteinsdóttir. (Mynd: Ingimar Ingimarsson)
Arctic mótið í borðtennis var sett í TBR-húsinu undir kvöld og síðan var leikin fyrsta umferðin í liðakeppni. Leikmenn Íslands léku með sorgarborða vegna fráfalls Ólafs Rafnssonar, forseta ÍSÍ.
Í kvennaflokki sigraði A-liðið það færeyska 3-2 í hörkuleik. Bæði Eva Jósteinsdóttir og Lilja Rós Jóhannesdóttir þurftu að játa sig sigraðar gegn Henriettu Nielsen. Þær unnu báðar Önnu Mikkjalsdóttur og Aldís Rún Lárusdóttir lagði Duritu Jensen.
Í karlaflokki léku íslensku liðin innbyrðis og sigraði Ísland-A Ísland-B 3-1. Magnús K. Magnússon vann Magnús Finn Magnússon og Óla Pál Geirsson og Daði Freyr Guðmundsson lagði Óla Pál Geirsson. Einar Geirsson vann leik fyrir B-liðið þegar hann sigraði Kára Mímisson.
Önnur úrslit á mótinu:
Karlar
Færeyjar-A – Færeyjar-B 3-0
Grænland – Jótland 0-3
Konur
Grænland – Jótland 1-3
ÁMU
