Sigrún Ebba vann leik á móti Noregi í dag á EM unglinga

Keppni í liðakeppni hélt áfram á EM unglinga í Ostrava í dag. Íslensku liðin léku í milliriðlum og lék hvert lið tvo leiki. Íslensku stúlkurnar töpuðu 1-3 fyrir Noregi en aðrir leikir töpuðust 0-3. Það var Sigrún Ebba Tómasdóttir sem vann leikinn. Nokkrar lotur unnust að auki: Skúli Gunnarsson vann lotu á móti Eistlandi og Kolfinna Bergþóra Bjarnadóttir vann lotu á móti Finnlandi. Þá unnu Breki og Dagur lotu í tvíliðaleik á móti Lúxemborg.