Alexis Lebrun og Sofia Polcanova Evrópumeistarar í einliðaleik

Keppni lauk á Evrópumeistaramótinu í einstaklingsgreinum í Linz í dag.
Sofia Polcanova frá Austurríki varð Evrópumeistari í einliðaleik kvenna eftir 4-1 sigur á Bernadette Szocs frá Rúmeníu. Hún varði þar með titilinn sem hún vann fyrir tveimur árum. Þær léku saman í tvíliðaleik en máttu þola tap í oddalotu í úrslitaleiknum gegn Hönu Matelovu frá Tékklandi og Barboru Balazovu frá Slóvakíu.
Nina Mittelham frá Þýskalandi og Maria Xiao frá Spáni höfnuðu í 3.-4. sæti í einliðaleik.

Alexis Lebrun frá Frakklandi lagði Benedikt Duda frá Þýskalandi 4-0 í úrslitum í einliðaleik karla. Truls Mordgard frá Svíþjóð og Dimitrij Ovtcharov frá Þýskalandi fengu bronsið.
Alexis Lebrun varð tvöfaldur meistari því hann sigraði líka í tvíliðaleik karla ásamt Felix bróður sínum. Þeir lögðu Svíana Anton Kallberg og Truls Moregard 3-0 í úrslitum.

Alvaro Robles og Maria Xiao frá Spáni urðu Evrópumeistarar í tvenndarleik eftir 3-0 sigur á Robert Gardos og Sofiu Polcanovu frá Austríki. Sofia Polcanova lék því til úrslita í öllum þremur greinum mótsins.

Myndir af vef ETTU.