Hörð barátta liða í 3. deild karla

Tvær umferðir voru leiknar í 3. deild karla í Íþróttahúsi Hagaskóla sunnudaginn 24. nóvember. Leikið er í tveimur riðlum og voru leikir í 5. og 6. umferð keppninnar leiknir í dag. Þar sem fimm lið eru í hvorum riðli fyrir sig hafa liðin leikið mismarga leiki.
Akur dró lið sitt úr keppni í upphafi móts en stig gegn Akri í leikjum sem hefði átt að vera lokið eru þó talin með hér að neðan.
Í B-riðli tapaði HK-D sínum fyrsta leik á keppnistímabilinu þegar liðið tapaði fyrir Selfossi. Þar með er ekkert lið í deildinni með fullt hús stiga, en Víkingur-C hefur gert tvö jafntefli en ekki tapað leik.

Í A-riðli er keppnin jöfn og spennandi. Víkingur-C er með forystu með 8 stig en BR-B hefur 7 stig, bæði að loknum 5 leikjum. KR-F hefur 5 stig eftir 4 leiki og HK-C 4 stig eftir 5 leiki en Garpur rekur lestina og er án stiga.

Í B-riðli hafa bæði HK-D og Umf. Selfoss 8 stig eftir 5 leiki. KR-D er með 6 stig eftir 5 leiki, KR-E er með tvö stig en Akur dró lið sitt úr keppni.

Úrslit úr einstökum viðureignum

A-riðill

Garpur – KR-F 0-6
Víkingur-C – BR-B 6-2
Garpur – BR-B 0-6
Víkingur-C – HK-C 5-5

B-riðill
HK-D – Akur 6-0 (Akur hefur dregið lið sitt úr keppni)
KR-E – Umf. Selfoss 1-6
HK-D – Umf. Selfoss 3-6
KR-E – KR-D 1-6

Á forsíðumyndinni má sjá lið HK-D.

Á næstunni verða úrslitin úr einstökum viðureignum sett á vef deildarinnar hjá Tournament Software, sjá https://www.tournamentsoftware.com/sport/tournament.aspx?id=8932ac2e-8e95-4ebe-a955-5f2afd08ee73