Víkingarnir Adam Harðarson og Eva Jósteinsdóttir sigruðu í opnum flokki á Grand Prix móti KR, sem fram fór í KR-heimilinu í dag.

Adam Harðarson, sem býr í Svíþjóð, var öruggur sigurvegari í opnum flokki karla. Hann tapaði aðeins einni lotu á mótinu, á móti Gunnari Snorra Ragnarssyni í 8 manna úrslitum. Adam sigraði Daða Frey Guðmundsson úr Víkingi 4-0 (11-5, 11-7, 11-3, 11-6) í úrslitaleik.

Eva Jósteinsdóttir sigraði Fríði Rún Sigurðardóttur úr KR 4-1 (11-6, 10-12, 11-8, 11-5, 14-12) í úrslitaleiknum í opnum flokki kvenna. 

Hér fyrir neðan er mynd Finns H. Jónssonar af sigurvegurunum.

ÁMU