Automatic translation by Google Translate. We cannot guarantee that it is accurate.

Æfingabúðir fyrir stelpur á Hvolsvelli 6.-7. febrúar

Æfingabúðir í borðtennis fyrir stelpur verða haldnar á Hvolsvelli helgina 6.-7. febrúar. Dagskráin byggist aðallega á þremur æfingum og æfingamóti. Ferðin verður mjög lærdómsrík og þá sérstaklega að fá að æfa og kynnast leikmönnum frá öðrum félögum auk þess að kynnast æfingafélögum sínum betur. Á milli æfinga förum við í sund í sundlauginni í íþróttahúsinu á Hvolsvelli, borðum pizzu á Gallerí Pizzu og margt annað skemmtilegt.

Þjálfarar á svæðinu verða Auður Tinna Aðalbjarnardóttir (þjálfari hjá KR), Eyrún Elíasdóttir (þjálfari stúlkna í Víkingi) og Ólafur Elí Magnússon (íþróttakennari og forstöðumaður hjá Dímon).

Gist verður í grunnskólanum á Hvolsvelli og því nauðsynlegt að taka með vindsæng/dýnu og svefnpoka.

Verð fyrir æfingabúðirnar eru 8.000 kr. sem greiðast við brottför. Innifalið í því er allt uppihald, að undanskildu því ef stelpurnar vilja kaupa eitthvað aukalega (eins og bland í poka á laugardagskvöldinu). Möguleiki er fyrir hendi að foreldrar komi með sé áhugi fyrir því.

Farið er með strætó og kostar ferðin 8 miða á Hvolsvöll og 8 miða til baka. Hægt er að kaupa miðana í Mjódd frá kl. 10:00 þegar við förum. Strætómiðarnir eru ekki innifaldir í verðinu fyrir æfingabúðirnar. 20 miða spjald fyrir 6-11 ára kostar 1.200 kr. og sami fjöldi fyrir 12-18 ára kostar 2.800 kr.

Ef einhverjar spurningar vakna um búðirnar skuluð þið ekki hika við að hafa samband við Auði Tinnu ([email protected], s. 868 6873).

Hér er dagskrá helgarinnar:

Dagskrá:

Laugardagur:

11:00               Mæting í strætómiðstöðina í Mjódd

11:30               Strætó nr. 51 fer af stað

13:10               Strætó kemur á Hvolsvöll, stutt hádegishressing

13:30-15:00   1. æfing

15:00-17:00   Sund og hressing

17:00-18:30   2. æfing

19:00-20:00   Pizzuveisla (hlaðborð)

20:00-22:00   Frjáls tími, horft á Söngvakeppni Sjónvarpsins og leikir

22:30               Svefntími

 

Sunnudagur:

09:30              Morgunmatur

10:00-11:30   3. æfing

11:30-12:00   Hádegismatur

12:00-14:00   Æfingamót

15:07              Brottför frá Hvolsvelli með strætó nr. 52

16:45              Strætó kemur í Mjódd

 

Ath. Vinsamlegast svarið þessum pósti á [email protected] til að skrá stelpurnar. Við þurfum að vita fjölda á fimmtudag (4. febrúar) eða fyrr.

Á forsíðumyndinni eru verðlaunahafar í meyjaflokki frá aldursflokkamóti KR í janúar 2ö16.

 

ÁMU (byggt á tölvupósti frá Auði Tinnu Aðalbjarnardóttur)

Aðrar fréttir