Akur sigraði í 2. deild karla

Lið Akurs endurheimti sæti í 1. deild karla sem það missti í fyrra þegar liðið sigraði í 2. deild karla í TBR-húsinu í dag. Akur sigraði lið KR-B 3-1 í úrslitum og leikur í 1. deild karla á næsta ári. KR-D og Víkingur-E höfnuðu í 3.-4. sæti.

Lið Akurs skipuðu Hlynur Sverrisson, Jakob Jörgensen og Markus Meckl. Bæði Jakob og Markus fóru taplausir í gegnum leiki dagins.

Þetta er þriðja árið í röð sem lið frá KR tapar úrslitaleik í 2. deild karla.

Alls mættu 9 lið til leiks frá Akri, HK, KR, Víkingi og Víkingi/Erninum.

ÁMU (uppfært 8.5.)

Mynd Ara Bjarnasonar af verðlaunaafhendingu fyrir 2. deild karla