Automatic translation by Google Translate. We cannot guarantee that it is accurate.

Aldís Rún og Magnús Gauti sigruðu á Grand Prix móti KR og Keldunnar

Aldís Rún Lárusdóttir, KR og Magnús Gauti Úlfarsson, BH sigruðu á Grand Prix móti KR og Keldunnar, sem haldið var í Íþróttahúsi Hagaskóla laugardaginn 3. febrúar.

Í karlaflokki mættust tveir leikmenn úr 2. flokki í undanúrslitum, en báðir höfðu slegið meistaraflokksleikmenn út á mótinu. Thomas Charukevic, BH vann Birgi Ívarsson úr BH 4-3 í 8 manna úrslitum. Þá sigraði Gestur Gunnarsson, KR, Arnór Gauta Helgason úr Víkingi 4-2, einnig í 8 manna úrslitum. Gestur og Thomas mættust í öðrum undanúrslitaleiknum og sigraði Thomas 4-0. Í hinum undanúrslitunum áttust við Magnús Gauti Úlfarsson og Pétur Marteinn Urbancic Tómasson, BH, og vann Magnús 4-2. Magnús lagði svo Thomas 4-1 í úrslitaleiknum (9-11, 12-10, 11-7, 11-8, 11-9).

Í kvennaflokki léku Aldís Rún Lárusdóttir, KR og Ársól Clara Arnardóttir, KR í öðrum undanúrslitunum og vann Aldís öruggan 4-0 sigur. Í hinum undanúrslitunum mættust Auður Tinna Aðalbjarnardóttir, KR og Lára Ívarsdóttir, KR. Sá leikur var jafn og lauk með 12-10 sigri Auðar í oddalotunni. Aldís og Auður mættust því í úrslitaleiknum og hafði Aldís sigur 4-2 (11-5, 9-11, 11-5, 7-11, 11-7, 11-3).

Anna Sigurbjörnsdóttir, KR, sigraði í B-keppni kvenna og Ellert Kristján Georgsson, KR í B-keppni karla.

Styrktaraðilum mótsins, Keldunni, Borðinu, Hamborgabúllunni, Heimilistækjum og pingpong.is er þakkað kærlega fyrir vinningana.

Verðlaunahafar

Opinn flokkur kvenna

  1.           Aldís Rún Lárusdóttir, KR
  2.          Auður Tinna Aðalbjarnardóttir, KR

3.-4.      Ársól Clara Arnardóttir, KR

3.-4.      Lára Ívarsdóttir, KR

Opinn flokkur karla

  1.          Magnús Gauti Úlfarsson, BH
  2.          Thomas Charukevic, BH

3.-4.      Gestur Gunnarsson, KR

3.-4.      Pétur Marteinn Urbancic Tómasson, BH

B-keppni kvenna

  1.      Anna Sigurbjörnsdóttir, KR
  2.      Kristín Ingibjörg Magnúsdóttir, KR
  3.     Þuríður Þöll Bjarnadóttir, KR

B-keppni karla

  1.         Ellert Kristján Georgsson, KR
  2.         Guðmundur Örn Halldórsson, KR

3.-4.      Kristín Ingibjörg Magnúsdóttir, KR

3.-4.      Slawomir Rekowski, BH

 

ÁMU (fyrst birt 3.2.2018)

Aðrar fréttir