Automatic translation by Google Translate. We cannot guarantee that it is accurate.

Aldís Rún og Magnús Gauti sigruðu á Grand Prix móti KR og Keldunnar

Aldís Rún Lárusdóttir, KR og Magnús Gauti Úlfarsson, BH sigruðu í opnum flokki á Grand Prix móti KR og Keldunnar í Íþróttahúsi Hagaskóla sunnudaginn 22. janúar.

Leikmenn Borðtennisdeildar BH áttu góðu gengi að fagna í karlaflokki og áttu þrjá af fjórum leikmönnum í undanúrslitum. Magnús Gauti Úlfarsson sigraði Birgi Ívarsson 4-0 í öðrum undanúrslitunum og Jóhannes Bjarki Urbancic Tómasson lagði Sindra Þór Sigurðsson, Víkingi 4-2 í hinum undanúrslitaleiknum. Magnús Gauti vann svo Jóhannes 4-2 (11-13, 11-8, 11-4, 10-12, 11-8, 11-9) í úrslitaleiknum.

Aldís Rún Lárusdóttir, KR sigraði örugglega í opnum flokki kvenna og tapaði ekki lotu á mótinu. Hún vann Stellu Karen Kristjánsdóttur, Víkingi 4-0 í undanúrslitum. Auður Tinna Aðalbjarnardóttir, KR, sigraði Þórunni Ástu Árnadóttur, Víkingi, 4-0 í hinum undanúrslitaleiknum. Aldís sigraði Auði 4-0 (13-11, 11-3, 11-9, 11-4) í úrslitunum.

Ellert Kristján Georgsson, KR vann Karl A. Claesson, KR 11-9 í oddalotu í úrslitaleiknum í B-keppni karla.

Í B-keppni kvenna sigraði Kristín Ingibjörg Magnúsdóttir, KR Þuríði Þöll Bjarnadóttur, KR 4-0 í úrslitaleik.

Verðlaunahafar:

Opinn flokkur karla

  1. Magnús Gauti Úlfarsson, BH
  2. Jóhannes Bjarki Urbancic Tómasson, BH

3.-4. Birgir Ívarsson, BH

3.-4. Sindri Þór Sigurðsson, Víkingi

Sindri Þór Sigurðsson

Opinn flokkur kvenna

  1. Aldís Rún Lárusdóttir, KR
  2. Auður Tinna Aðalbjarnardóttir, KR

3.-4. Stella Karen Kristjánsdóttur, Víkingi

3.-4. Þórunn Ásta Árnadóttir, Víkingi

B-keppni karla

  1. Ellert Kristján Georgsson, KR

B-keppni kvenna

  1. Kristín Ingibjörg Magnúsdóttir, KR

Sigurvegarar í B-keppni.

Einnig voru dregin út nokkrir vinningar meðal þeirra sem fylgdust með úrslitaleiknum og má sjá vinningshafa hér að ofan.

Forsíðumynd frá Ingimar Ingimarssyni og mynd af Sindra frá Ástu Urbancic. Aðrar myndir frá Kristjáni Viðari Haraldssyni.

 

ÁMU (uppfært 23.1.)

Aðrar fréttir