Auður Tinna Aðalbjarnardóttir kjörin formaður BTÍ
Á ársþingi BTÍ, sem haldið var í Reykjavík þann 2. apríl, var Auður Tinna Aðalbjarnardóttir kjörin formaður BTÍ, fyrst kvenna.
Aðrir í nýrri stjórn eru Anna Sigurbjörnsdóttir, Ingimar Ingimarsson, Kári Mímisson og Sigurjón Ólafsson. Þau Anna og Kári sátu í fyrri stjórn en aðrir í fyrri stjórn gáfu ekki kost á sér til endurkjörs.
Í varastjórn voru kjörnir þeir Pétur Stephensen, Bæring Guðmundsson og Jón Gunnarsson.
Á þinginu var m.a. samþykkt breyting á lögum þess efnis að ársþing BTÍ verði framvegis haldið á hverju ári.
Þau Ásta M. Urbancic, Ingimar Ingimarsson og Pétur Stephensen fengu gullmerki BTÍ. Ásta og Pétur fengu einnig gullmerki ÍSÍ, sem Hörður Þorsteinsson, fulltrúi ÍSÍ á fundinum afhenti þeim.
Fundargerð frá þinginu með nánari upplýsingum verður birt á vefnum þegar hún er tilbúin.
