Benedikt Darri Malmquist sigraði á Lekstorp Sommarpool
Keppni lauk á Lekstorps Sommarpool 2025 mótinu í Gautaborg sunnudaginn 29. júní. Benedikt Darri Malmquist var eini íslenski sigurvegari dagsins á mótinu, en alls sigruðu íslensku leikmennirnir í sjö flokkum á mótinu. Margir leikmenn í íslenska hópnum komust á verðlaunapall á mótinu og allir íslensku keppendurnir unnu leik á mótinu.
Úrslit sunnudagsins 29. júní urðu þessi hjá íslenska hópum:
Benedikt Darri Malmquist sigraði í flokki – 850 stig (sjá mynd á forsíðu), Helena Árnadóttir hafnaði í 9.-16. sæti og Hergill Frosti Friðriksson og Viktor Daníel Pulgar í 17.-22. sæti. Ari Jökull Jóhannesson og Jörundur Steinar Hansen unnu einn leik í riðlinum, sem dugði ekki til að komast áfram í flokknum.
Brynjar Gylfi Malmquist varð í 3.-4. sæti í flokki Stelpur/strákar 9 en hann var eini íslenski keppandinn í flokknum.
Lúkas André Ólason varð í 5.-8. sæti í flokki – 1300 stig. Anton Óskar Ólafsson og Darian Adam Róbertsson Kinghorn unnu leik í riðlinum en komust ekki áfram í úrslitakeppnina.
Darian Adam Róbertsson Kinghorn varð í 5.-8. sæti í flokki – 1150 stig. Benedikt Darri Malmquist, Lúkas André Ólason og Viktor Daníel Pulgar höfnuðu í 9.-16. sæti. Helena Árnadóttir vann leik í riðlinum en komst ekki í úrslitakeppnina vegna óhagstæðara lotuhlutfalls.
Ari Jökull Jóhannesson hafnaði í 9.-16. sæti í flokki – 700 stig en aðrir íslenskir leikmenn komust ekki í úrslitakeppnina.
Í flokki – 2000 stig vann Guðbjörg Vala Gunnarsdóttir leik í riðlinum en sat eftir á verra lotuhlutfalli. Benedikt Aron Jóhannsson vann sömuleiðis leik en komst ekki upp úr riðlinum.
Í flokki – 1500 stig komust Anton Óskar Ólafsson, Benedikt Aron Jóhannsson, Kristján Ágúst Ármann og Sól Kristínardóttir Mixa í 16 manna úrslit en þurftu að gefa leiki sína þar, líklega til að ná flugi heim. Guðbjörg Vala Gunnarsdóttir vann leik í riðlinum en komst ekki í útsláttarkeppnina.
Myndir frá hópnum í Gautaborg.
