BH-A deildarmeistari í 1. deild karla

A-lið BH varð deildarmeistari í 1. deild karla, en liðið lauk keppni í deildinni með 18 stig, einu stigi meira en KR-A, sem varð í 2. sæti. Liðin mættust innbyrðis í fyrri umferð dagsins í Íþróttahúsinu við Strandgötu, og lauk leiknum með jafntefli, eftir jafnan og spennandi leik.

Leik HK A – BH B og var frestað, þar sem Björgvin Ingi, leikmaður liðsins er að keppa í Svíþjóð og Bjarni Þorgeir, annar leikmaður liðsins og þjálfari HK, er með honum á mótinu.
Hinn leikurinn, sem HK-A átti að leika í dag, fór fram 2. febrúar. Þá sigraði HK-A Víking-B 6-1.

B-lið BH endar í 3. sæti í deildinni með 10 stig og á einn leik eftir, við HK-A.
Víkingur-A hefur 7 stig í deildinni og er sem stendur í 4. sæti deildarinnar, en liðið hefur lokið keppni.
HK-A er í 5. sæti, með 6 stig, og á eftir að leika við BH-B. Úrslitin í þeim leik ráða því hvort það verður Víkingur-A eða HK-A sem fer í úrslitakepnnina með BH-A, KR-A og BH-B.
Víkingur-B fellur í 2. deild, en liðið lauk keppni í deildinni án stiga.

Úrslit úr leikjum dagsins:

BH A – KR A 5-5

BH B – Víkingur A 6-4

Víkingur A – BH A 1-6

KR A – Víkingur B 6-0

Mynd af deildarmeisturum BH-A frá Ingimar Ingimarssyni. Í baksýn má sjá mynd af liði BH sem varð meistari fyrir nokkrum árum.