BH-A og Víkingur-A leika til úrslita í 1. deild karla

Undanúrslit í 1. og 3. deild karla voru leikin í Íþróttahúsinu við Strandgötu í Hafnarfirði laugardaginn 29. mars.

Í 1. deild karla mættust annars vegar liðin sem urðu í 1. og 4. sæti, BH-A og HK-A, og hins vegar liðin í 2. og 3. sæti, Víkingur-A og KR-A. Leikið var þar til annað liðið hafði unnið þrjá leiki.
Í stuttu máli unnu BH-A og Víkingur-A öruggan sigur á andstæðingum sínum, og mætast í úrslitaleik um Íslandsmeistaratitilinn laugardaginn 5. apríl.

Úrslit úr einstökum leikjum í 1. deild karla:
BH-A – HK-A 3-0
KR-A – Víkingur-A 0-3

Einnig voru leikin undanúrslit í 3. deild karla, þar sem tvö efstu liðin í A- og B- riðli léku í kross. Svo fór að Víkingur-C og Selfoss, þ.e. liðin sem unnu riðlana unnu sína leiki, og mætast í úrslitaleik þann 5. apríl.

Úrslit úr einstökum leikjum í 3. deild karla:
Víkingur-C – HK-D 3-1
Selfoss – BR-B 3-0

Þá var leikinn umspilsleikur um sæti í 1. deild karla á næsta ári. Þar mættust lið BH-B, sem varð í 5. sæti í 1. deild, og lið HK-B, sem varð í 2. sæti í 2. deild. Lið BH-B sigraði 3-0, og heldur sæti sínu í 1. deild á næsta keppnistímabili.

Úrslit úr einstökum viðureignum munu fljótlega verða birt á vef Tournament Software.

Á forsíðunni má sjá lið BH-B.