Automatic translation by Google Translate. We cannot guarantee that it is accurate.

BH-B, HK-B, KR-A og Víkingur-A með sigra í deildakeppninni

Í lok nóvember og fyrri hluta desember fóru fram nokkrir leikir í deildakeppninni, sem áttu að fara fram 26. nóvember.

Þrír leikir fóru fram í 1. deild karla. Víkingur-A sigraði Víking-B 6-0, en leikurinn fór fram þann 8. desember.
Þá mættust BH-B og HK-A þann 13. desember og hafði BH-B sigur 6-4.
HK-A og KR-A áttu að mætast 12. desember en HK-A mætti ekki til leiks og var KR-A dæmdur 6-0 sigur.

Staðan í 1. deild karla er því þannig að BH-A og KR-A hafa 11 stig. BH-B hefur 6 stig, HK-A og Víkingur-A eru með 4 stig og Víkingur-B er án stiga. Öll liðin hafa leikið 6 leiki.

Efstu liðin í 2. deild, HK-B og KR-B mættust í frestuðum leik þann 30. nóvember. Leiknum lauk með 6-0 sigri HK-B, en þetta var fyrsta tap KR-B í deildinni. HK-B er nú efst í deildinni með 11 stig eftir 7 leiki en KR-B hefur 9 stig eftir 6 leiki. HK-C fylgir fast á eftir með 8 stig eftir 6 leiki.

Vegna þess að leikur HK-B og KR-B var ekki tekinn með í styrkleikalistann 1. desember verður listinn keyrður upp aftur.

Á forsíðunni má sjá 1. deildarlið BH-B.

Aðrar fréttir