BH-B og Víkingur-B hafa tryggt sér sæti í úrslitakeppni 2. deildar karla
B-lið BH hefur forystu í A-riðli og B-lið Víkings hefur forystu í B-riðli að loknum 8 umferðum af 10 í 2. deild karla en tvær umferðir voru leiknar í Íþróttahúsinu við Strandgötu í Hafnarfirði sunnudaginn 13. janúar. Það skýrist endanlega að loknum tveimur síðustu umferðunum hvaða lið mætast í úrslitakeppni 2. deildar þann 13. apríl. Síðustu umferðirnar í deildinni verða leiknar í Íþróttahúsi Hagaskóla fyrstu helgina í febrúar.
Í A-riðli 2. deildar hefur BH-B 12 stig eftir 7 leiki og hefur liðið tryggt sér sæti í úrslitakeppninni. Liðið tapaði þó fyrsta leik sínum á tímabilinu um helgina þegar Akursmenn höfðu betur 3-2 í hörkuleik.
Í 2. og 3. sæti í A-riðli eru Akur og KR-C með 8 stig eftir 6 leiki en þessi lið berjast um að fylgja BH-B í úrslitakeppnina. Þessi lið mætast lokahelgina og getur því aðeins annað liðið náð BH-B að stigum. Víkingur-C hefur 4 stig að loknum 7 leikjum og HK-C er stigalaust.
Í B-riðli hefur B-lið Víkings fullt hús stiga og hefur 14 stig eftir 7 leiki. Liðið hefur tryggt sér sigur í riðlinum og þar með sæti í úrslitakeppninni. Í öðru sæti er C-lið BH með 8 stig eftir 6 leiki. Þar á eftir koma Samherjar með 4 stig eftir 6 leiki og KR-D með 4 stig eftir 7 leiki. Samherjar eiga ennþá möguleika á að ná 2. sætinu en liðið leikur einmitt við BH-C lokahelgina. Neðst í riðlinum er lið ÍFR með 2 stig eftir leiki.
Úrslit úr einstökum leikjum
2. deild karla
A-riðill
7. umferð
HK C – Víkingur C 0-3
BH B – Akur 2-3
KR C sat hjá
8. umferð
BH B – KR C 3-0
Akur – Víkingur C 3-0
HK C sat hjá
B-riðill
7. umferð
KR D – Víkingur B 0-3
ÍFR – BH C 2-3
Samherjar sátu hjá
8. umferð
BH C – KR D 3-1
Víkingur B – Samherjar 3-0 (Samherjar mættu ekki)
ÍFR sat hjá
Öll úrslit, stöðuna í riðlunum og árangur einstakra leikmanna má sjá á vef Tournament Software, http://www.tournamentsoftware.com/sport/tournament.aspx?id=E387B744-38EA-4FDD-86E2-1A37090B6953
Á forsíðumyndinni má sjá tvíliðaleikspar Víkings-B, mynd af fésbókarsíðu BTÍ.
ÁMU
