BH, KR og Víkingur unnu titlana seinni daginn í flokkakeppni unglinga
Keppni á Íslandsmótinu í flokkakeppni unglinga var fram haldið í Íþróttahúsi Hagaskóla sunnudaginn 17. mars og var þá keppt í fjórum flokkum.
Alexía og Sól Kristínardætur Mixa úr BH unnu titilinn í telpnaflokki þriðja árið í röð og lögðu þær Agnesi Brynjarsdóttur úr Víkingi og Berglindi Önnu Magnúsdóttur úr KR 3-2 í jöfnum og spennandi úrslitaleik.
Í piltaflokki voru Hafnfirðingarnir í BH gríðarsterkir og áttu þrjú lið af fjórum í undanúrslitum. A-liðið var þar sterkast og vann alla leiki sína 3-0. Í úrslitum mætti liðið C-liði BH, þeim Davíð Snæ Sveinssyni og Kristófer Loga Ellertssyni. A-liðið skipuðu Birkir Smári Traustason og Kristófer Júlían Björnsson en Kristófer var einnig í sigurliði BH í fyrra.
Í meyjaflokki unnu KR-ingarnir Hildur Halla Þorvaldsdóttir og Þuríður Þöll Bjarnadóttir 3-0 sigur á sameiginlegu liði frá BH og KR, skipað Freyju Dís Benediktsdóttur, Kristjönu Áslaugu Káradóttur og Söru Elísabetu Jónsdóttur.
Í stúlknaflokki unnu Víkingsstúlkurnar Stella Karen Kristjánsdóttir og Þórunn Ásta Árnadóttir alla leiki sína 3-0 og unnu titilinn þriðja árið í röð. Liðin í 2.-4 sæti voru jafnari og hart barist en það var B-lið KR, skipað Láru Ívarsdóttur og Þóru Þórisdóttur sem hreppi silfrið.
Úrslit:
Flokkakeppni telpna fæddra 2006 og síðar
1 BH (Alexía Kristínardóttir Mixa og Sól Kristínardóttir Mixa)
2 KR/Víkingur (Agnes Brynjarsdóttir og Berglind Anna Magnúsdóttir)
3 HK (Elísa Þöll Bjarnadóttir og Zuzanna Drozyner)
4 KR A (Guðbjörg Vala Gunnarsdóttir, Hugrún Haraldsdóttir og Karen Kristjánsdóttir Sullca)
Flokkakeppni pilta fæddra 2006 og síðar
1 BH A (Kristófer Júlían Björnsson og Birkir Smári Traustason)
2 BH C (Davíð Snær Sveinsson og Kristófer Logi Ellertsson)
3-4 BH B (Alexander Ivanov og Nikulás Dagur Jónsson)
3-4 KR B (Magnús Thor Holloway og Tómas Hinrik Holloway)
Flokkakeppni meyja fæddra 2004-2005
1 KR A (Hildur Halla Þorvaldsdóttir og Þuríður Þöll Bjarnadóttir)
2 KR/BH (Freyja Dís Benediktsdóttir, Kristjana Áslaug Káradóttir, Sara Elísabet Jónsdóttir)
Flokkakeppni stúlkna fæddra 2001-2003
1 Víkingur (Stella Karen Kristjánsdóttir og Þórunn Ásta Árnadóttir)
2 KR B (Lára Ívarsdóttir og Þóra Þórisdóttir)
3 KR A (Kristín Ingibjörg Magnúsdóttir og Lóa Floríansdóttir Zink)
4 BH (Harriet Cardew og Sandra Dís Guðmundsdóttir)
Úrslit úr öllum leikjunum á mótinu má sjá á vef Tournament Software, http://www.tournamentsoftware.com/sport/tournament.aspx?id=F7338A7F-E3B5-4D44-BCA0-A9F334936C6C
Myndir frá Auði Tinnu Aðalbjarnardóttur. Einnig má sjá fjölda mynda frá mótinu á fésbókarsíðu Borðtennissambands Íslands.
ÁMU
