Bikarkeppni félaga er framundan
Bikarkeppni félaga er framundan, en keppnin var endurvakin vorið 2013. Borðtennisdeild KR hefur boðist til að halda keppnina í Íþróttahúsi Hagaskóla laugardaginn 25. apríl. Eftir að sú dagsetning var ákveðin var ákveðið að senda landslið á HM í Kína, sem fer fram á sama tíma. Að óbreyttu mun því landsliðsfólkið missa af keppninni. Því reynir Borðtennisdeild KR nú að fá húsnæði fyrir bikarkeppnina laugardaginn 11. apríl en ekki tókst að fá svar við þeirri beiðni fyrir páska.
Í bikarkeppni félaga leika a.m.k. tveir karlar og ein kona í liði, og verða öll að vera í sama félagi.
Leikið verður samkvæmt reglugerð BTÍ um keppnina.
Keppnin verður auglýst nánar þegar dagsetningin er komin á hreint.
ÁMU
