Birgir og Guðbjörg Vala unnu Lokamót Ice-Group
Birgir Ívarsson og Guðbjörg Vala Gunnarsdóttir stóðu uppi sem sigurvegarar á Lokamóti Ice-Group sem fór fram föstudaginn 16. maí í Íþróttahúsinu við Strandgötu í Hafnarfirði. BH hafði umsjón með mótinu í samstarfi við mótanefnd BTÍ.
Birgir vann Magnús Jóhann Hjartarson í spennandi úrslitaleik sem fór í oddalotu og vannst 4-3. Guðbjörg Vala hafði betur gegn Halldóru Ólafs 4-2 í skemmtilegum leik. Margir leikir fóru í oddalotu og voru gríðarlega jafnir. Það var greinilega mikið í húfi á þessu móti sem markar lok keppnistímabilsins.
Ellert Georgsson sigraði Þorberg Pálmason í leik um 3. sætið í karlaflokki og Helena Árnadóttir vann Guðrúnu Gestsdóttur í leik um 3. sæti í kvennaflokki. Öll úrslit verða birt í Tournament Software á næstunni.
Ice-Group styrkti mótið veglega með peningaverðlaunum að fjárhæð samtals 70.000 kr. Allir þátttakendur fengu kassa af drykkjum frá Ölgerðinni og poka af nammi frá Góu. Sigurvegarar fengu 20.000 kr peningaverðlaun auk gjafabréfs í Bláa lónið. Leikmenn í 2. sæti fengu 10 þús kr. peningaverðlaun auk nammipoka frá Karli Karlssyni. Leikmenn í 3. sæti fengu 5 þúsund kr. peningaverðlaun.
Sigurvegarar í kvennaflokki
Sigurvegarar í karlaflokki
Á myndina vantar Óskar Agnarsson frá HK.
Myndir frá úrslitaleikjum
‘
Mynd efst í frétt er frá setningu mótsins. Myndir í frétt frá Jóni Gunnarssyni og Sigurjóni Ólafssyni.
