Bjarni og félagi unnu leik í tvíliðaleik á EM öldunga
Bjarni Þ. Bjarnason lék með félaga sínum, Fredrik Fries frá Svíþjóð í tvíliðaleik í flokki 55 ára og eldri á EM öldunga þriðjudaginn 28. júní. Þeir léku í riðli með þremur öðrum pörum. Þeir sigruðu ítalskt par 11-9 í oddalotu en töpuðu hins vegar 9-11 í oddalotu fyrir þýsku pari og 0-3 fyrir blönduðu pari frá Svíþjóð og Frakklandi.
Bjarni leikur næst í B-keppni í einliðaleik fimmtudaginn 30. júní. Þá mætir hann leikmanni frá Þýskalandi í 256 manna úrslitum.
Þann 1. júlí leika Bjarni og Fredrik í B-keppni í tvíliðaleik.
Forsíðumynd af Bjarna úr myndasafni þar sem hann er í þjálfarahlutverkinu.
