Bjarni vann leik á EM öldunga
Bjarni Þ. Bjarnason vann leikmann frá Ítalíu í einliðaleik í flokki karla 55 ára og eldri á EM öldunga á Rimini á Ítalíu. Leikurinn var jafn og vann Bjarni 13-11 í oddalotu.
Bjarni tapaði 1-3 fyrir leikmanni frá Þýskalandi og 0-3 fyrir leikmanni frá Svíþjóð í riðlinum.
Mikill fjöldi keppenda er á mótinu og lék Bjarni í riðli nr. 64 af 99 í aldursflokknum og voru fjórir leikmenn í hans riðli.
Þriðjudaginn 28. júní kl. 19 að staðartíma tekur Bjarni þátt í tvíliðaleik 55 ára og eldri með sænskum meðspilara. Leika þeir riðli nr. 29 með þremur öðrum pörum.
Forsíðumynd af fésbókarsíðu Bjarna.
