Borðtennisfólk ársins með viðurkenningar sínar
Borðtennisfólk ársins, þau Magnús Jóhann Hjartarson og Nevena Tasic, bæði úr Víkingi, fengu viðurkenningar sínar afhentar þann 29. desember, í hófi í tilefni af vali á íþróttamanni ársins.
Forsíðumyndin var tekin við þetta tækifæri.
Textinn hér fyrir neðan var lagður fram með vali þeirra Magnúsar og Nevenu.
Borðtenniskarl ársins: Magnús Jóhann Hjartarson
Aldur: 24 ára
Félag: Víkingur
Magnús Jóhann varð Íslandsmeistari karla árið 2022 þar sem hann á leið sinni í úrslitin vann m.a. Íslandsmeistara síðustu tveggja ára. Einnig er hann margfaldur Íslandsmeistari í liðakeppni. Í vetur hefur Magnús Jóhann dvalið í Suður Kóreu við nám, æfingar og keppni í borðtennis. Hann er frábær íþróttamaður, ósérhlífinn, þrautseigur, agaður og frábær liðsfélagi.
Borðtenniskona ársins: Nevena Tasic
Aldur: 31 ára
Félag: Víkingur
Nevena er Íslandsmeistari kvenna og einnig Íslandsmeistari í liðakeppni kvenna auk þess sem hún sinnir þjálfun yngri flokka hjá Víkingi. Nevena hefur verið mikill styrkur fyrir íslenska landsliðið þar sem hún dregur vagninn, bæði á æfingum og í keppni og hefur hún lyft upp getu annarra leikmanna í landsliðinu. Nevena er frábær fyrirmynd og enn betri liðsfélagi.
