Borðtennishelgi og -mót í Bolungarvík
Fyrsta borðtennismót Borðtennisdeildar Ungmennafélags Bolungarvíkur (UMFB) býður upp á borðtennishelgi, Sjómannadagshelgina 31. maí til 1. júní. Tveir reyndir þjálfarar frá HK, Bjarni Þ. Bjarnason, yfirþjálfari, og Darian Adam Róbertsson Kinghorn, sem nýlega var á ITTF level 1 þjálfaranámskeiðinu, bjóða upp á æfingar á laugardegi. Á laugardagseftirmiðdegi og sunnudegi verður svo boðið upp á mót.
Mótið verður það fyrsta á vegum Borðtennisdeildar UMFB, sem stofnuð var í haust. Deildin og Borðtennissamband Íslands fengu styrk úr Hvatasjóði vegna verkefnisins.
Mótið fer fram í íþróttahúsi Bolungarvíkur og keppt verður í eftirfarandi flokkum:
- U11 blönduð kyn.
- U14 kk
- U14 kvk
- U18 kk
- U18 kvk
- U23 blönduð kyn
- Opinn flokkur karla
- Opinn flokkur kvenna
Keppnisfyrirkomulagið er þannig að keppt verður í riðlum og fara efstu tveir leikmenn úr hverjum riðli og keppa í einföldum útslætti (ef fleiri en einn riðill er í flokki). Raðað verður í riðla samkvæmt styrkleikalista, sbr. 17. gr. keppnisreglna BTÍ. Mótið gildir til stiga á styrkleikalistanum. Leikmaður þarf að vinna 3 lotur til að vinna viðureignina, bæði í riðlunum og í útsláttarkeppninni.
Dagskrá:
Laugardagurinn 31. maí:
- Klukkan 15:00 opinn flokkur karla
- Klukkan 15:30 opinn flokkur kvenna
Sunnudagurinn 1. júní:
- 10:00 U11 blönduð kyn
- 11:00 U14 kk
- 11:30 U14 kvk
- 13:00 U18 kvk
- 13:30 U23 blönduð kym
- 14:00 U18 kk
Leikið verður með hvítum Stiga 3 stjörnu kúlum á sex keppnisborðum og verða medalíur veittar fyrir fjögur efstu sætin í hverjum flokki.
Mótsstjórn skipa Auður Tinna Aðalbjarnardóttir (s: 868-6873), Trausti Salvar Kristjánsson, Amid Deryat og Bjarni Þ. Bjarnason og verður Bjarni yfirdómari.
Tekið er á móti skráningum á netfangið [email protected] sem og á mótsstað tíu til þrjátíu mínútum fyrir upphaf hvers keppnisflokks. Þátttökugjald er ókeypis.
Dregið verður í mótið í íþróttahúsi Bolungarvíkur 10 mínútum fyrir hvern keppnisflokk á keppnisstað. Einungis er heimilt að keppa í einum flokki hvorn daginn.
