Borðtenniskeppnin á Ólympíuleikunum í London hefst í dag með keppni í einliðaleik. Alls taka 70 karlar og 69 konur þátt í einliðaleik en þó má hvert land aðeins senda tvo keppendur. Því vantar marga af bestu leikmönnum heims á mótið þar sem Kínverjar eiga 5 af 6 efstu í karlaflokki og fjórar efstu konurnar. Úrslitaleikur í einliðaleik kvenna fer fram 1. ágúst og 2. ágúst í karlaflokki.

Í liðakeppni leika 16 lið og þar eru þrír keppendur í liði. Keppni í liðakeppni hefst 3. ágúst og lýkur með úrslitaleikjum 8. ágúst.

ÁMU (uppfært 29.7.)