BR-B Íslandsmeistarar í 3. deild karla

BR-B tryggði sér Íslandsmeistaratitilinn í 3. deild 2026 með 6-2 sigri á liði BM í lokaumferðinni í deildinni. Lið BM hafði eins stigs forystu á lið BR-B fyrir lokadaginn. Leikið var í TBR-húsinu í Laugardal.

BR-B sigrar í 3. deild með 18 stig, og lið BM er í 2. sæti með 17 stig. Næst kemur HK-C með 13 stig og KR-E er í fjórða sæti með 8 stig. KR-D hafnar í 5. sæti með 4 stig og Víkingur-C fellur í 4. deild, enda mætti liðið aldrei til leiks með nægan fjölda leikmanna til að spila.

BR-B leikur í 2. deild á næsta ári en lið BM mætir Selfossi-A í umspilsleik um sæti í 2. deild á næsta keppnistímabili. KR-D mætir liðinu í 2. sæti í 4. deild og leikur um áframhaldandi sæti í 3. deild á næsta keppnistímabili.

Úrslit úr einstökum viðureignum:

HK-C – Víkingur-C 6-0 (Víkingur-C mætti ekki til leiks)
BM – KR-E 6-1
KR-D – BR-B 0-6

BR-B – BM 6-2
KR-E – HK-C 4-6
Víkingur-C – KR-D 0-6 (Víkingur-C mætti ekki til leiks)

Úrslit úr öllum leikjum verða á næstunni lesin inn á síðu deildarinnar á vef Tournament Software, sjá https://www.tournamentsoftware.com/sport/tournament.aspx?id=0B721535-C0C3-4C62-9D07-EF8BB768A7D0

Forsíðumynd frá Auði Tinnu Aðalbjarnardóttur en mynd inni í frétt frá Piotr Herman.