BR vann sinn fyrsta Íslandsmeistaratitil á Íslandsmóti öldunga

Jón Gunnarsson vann fyrsta Íslandsmeistaratitil BR í borðtennis þegar hann sigraði í einliðaleik karla 60-69 ára á Íslandsmóti öldunga, sem fram fór í TBR húsinu 26. febrúar.

Leikmenn BR unnu til nokkurra annarra verðlauna á mótinu.

Fyrstu verðlaun BR á Íslandsmóti komu hins vegar á Íslandsmóti unglinga 2021, þegar Dawid May-Majewski og Ingi Rafn Daviðsson unnu bronsverðlaun í einliðaleik hnokka fæddra 2010 og síðar.